Formúla 1

Red Bull frumsýnir nýtt útlit

Kristinn Ásgeir Gylfason skrifar
Nýji Red Bull bíllinn er vígalegur að sjá.
Nýji Red Bull bíllinn er vígalegur að sjá. Vísir/Getty
Formúlu 1 bíll Red Bull liðsins hefur fengið nýtt útlit og skartar breyttri litasamsetningu.

Ekki er um að ræða nýjan keppnisbíl en sá bíll verður ekki afhjúpaður fyrr en 22. febrúar þegar æfingar hefjast á Barselóna-brautinni.

Það verður afar spennandi að fylgjast með árangri Red Bull í ár en liðið mun notast við Renault vél, merkta úraframleiðandanum Tag Heuer. Þróun vélarinnar á meðan á tíambilinu stendur mun að lang mestu leyti fara fram hjá Red Bull.

Ætla má að Renault vélin verði töluvert betri í ár enda má vænta þess að Renault leggji meira í sölurnar nú þegar bílaframleiðandinn er kominn með eigið lið. En Renault tók yfir Lotus liðið undir lok síðasta tímabils og ætlar að keppa undir eigin nafni í ár.

Formúla

Tengdar fréttir

Pascal Wehrlein keppir með Manor

Pascal Wehrlein mun aka með Manor liðinu á komandi tímabili í Formúlu 1. Wehrlein var þróunarökumaður Mercedes liðsins á síðasta tímabili ásamt því að verða meistari í DTM.

Frumsýningar í Formúlu 1

Formúlu 1 tímabilið hefst 18. mars næstkomandi, með föstudagsæfingum í Ástralíu. Fyrst fara fram æfingar og frumsýningar liðanna á nýjum bílum.

Myndband: McLaren setur í gang

McLaren og Honda endurnýjuðu kynni sín í Formúlu 1 fyrir síðasta tímabil. Árangurinn lét á sér standa og liðið náði aðeins í 27 stig og níunda sæti í keppni bílasmiða. Liðið ætlar að gera betur í ár.

Mest lesið


Fleiri fréttir

Sjá meira


×

Mest lesið