Smáatriðin skipta máli Björn Teitsson skrifar 6. janúar 2016 10:00 Tónlist Mr. Silla 12 tónar, 2015 Það eru smáatriðin sem skipta máli. Þessir litlu núansar í popptónlist sem skera hið sérstaka frá meðalmennskunni. Taktur kemur inn á vitlausum stað, endurtekið viðlag þegar þú hélst að allt væri búið eða einfaldlega hvernig Iggy Pop segir orðið „fun“. Það eru smáatriðin sem skipta máli og þegar Sigurlaug Gísladóttir syngur orðin „now I‘m calling out your name“ í laginu One Step, þá kemur allt heim og saman. Þetta augnablik sem röddin er við það að brotna og augnablikið sem fylgir þegar allt verður betra. Fegurðin felst í einlægninni, varnarleysinu gagnvart því fólki sem stendur okkur næst og að alltaf er hægt að taka eitt skref í einu í rétta átt. Sigurlaug er konan að baki Mr. Silla og er þetta fyrsta breiðskífan sem gefin er út undir því nafni. Það kann ef til vill að hljóma furðulega miðað við hve áberandi hún er og hefur verið í íslensku tónlistarlífi undanfarin ár, meðal annars sem einn meðlima tilraunarafsveitarinnar Múm. Þessi fyrsta samnefnda skífa hefur að geyma þróaðan hljóðheim þar sem má greina nokkur rafpopp-element, nýrómantíska synþa og vandaðar uppbyggingar. Sándið er frekar dimmt en á sama tíma einkar fágað. Alltaf má þó greina von og jafnvel gleði rétt handan við hornið, ef svo má komast að orði. Þessa gleði má sérstaklega greina í síðasta lagi plötunnar, I want all, án þess þó að allt hitt sé einhver sálumessa Morrissey. Röddin er eftir sem áður trompið sem Silla má spila út sem oftast og nú vantar tilfinnanlega svipað íslenskt lýsingarorð og enska orðið „angelic“. Auk áðurnefndra laga má benda á fyrsta lagið, Dressed Lightly, og einnig Holding On, sem dæmi um afburða lagasmíðar. Þetta er bara allt svo „ekta“!Niðurstaða: Silla er á heimavelli í dimmum hljóðheimi þar sem vonin og gleðin eru aldrei langt undan. Menning Tónlist Mest lesið Einhleypan: „No bullshit týpa“ Makamál Belgísk verðlaunaleikkona látin Lífið Leitar enn að fallegasta stað í heimi Lífið Tom Cruise og Ana de Armas á ferð og flugi Lífið „Aldrei liðið eins og týpískri girly-girl“ Lífið Stjörnulífið: Árshátíðir, stórafmæli og Peaky Blinders Lífið Sinfónía í sundi slegin af borðinu vegna kjötsúpu Lífið Fanney og Teitur eiga von á barni Lífið „Þessir menn eiga mikið pláss í hjarta manns“ Lífið Breytti tuðinu í grín sem hefur slegið í gegn Lífið Fleiri fréttir Strípibúlluást sem hleypir öllu í háaloft Stormur fellur á prófinu Víkingur Heiðar á fjölbreyttri afmælisveislu með ljóslifandi hápunktum Leiksigur Ladda Elísabet fær uppreist æru Tveggja barna miðaldra móðir sem er sjúk í strákinn Ævar vísindamaður í miðaldrakrísu Dansandi lögreglukór og fangarnir í Sniglabandinu Fyrirsjáanlegt fjölskyldudrama Bob og Robbie í bobba Fleetwood Mac: Þegar eftirlíkingin verður betri en raunveruleikinn Sjá meira
Tónlist Mr. Silla 12 tónar, 2015 Það eru smáatriðin sem skipta máli. Þessir litlu núansar í popptónlist sem skera hið sérstaka frá meðalmennskunni. Taktur kemur inn á vitlausum stað, endurtekið viðlag þegar þú hélst að allt væri búið eða einfaldlega hvernig Iggy Pop segir orðið „fun“. Það eru smáatriðin sem skipta máli og þegar Sigurlaug Gísladóttir syngur orðin „now I‘m calling out your name“ í laginu One Step, þá kemur allt heim og saman. Þetta augnablik sem röddin er við það að brotna og augnablikið sem fylgir þegar allt verður betra. Fegurðin felst í einlægninni, varnarleysinu gagnvart því fólki sem stendur okkur næst og að alltaf er hægt að taka eitt skref í einu í rétta átt. Sigurlaug er konan að baki Mr. Silla og er þetta fyrsta breiðskífan sem gefin er út undir því nafni. Það kann ef til vill að hljóma furðulega miðað við hve áberandi hún er og hefur verið í íslensku tónlistarlífi undanfarin ár, meðal annars sem einn meðlima tilraunarafsveitarinnar Múm. Þessi fyrsta samnefnda skífa hefur að geyma þróaðan hljóðheim þar sem má greina nokkur rafpopp-element, nýrómantíska synþa og vandaðar uppbyggingar. Sándið er frekar dimmt en á sama tíma einkar fágað. Alltaf má þó greina von og jafnvel gleði rétt handan við hornið, ef svo má komast að orði. Þessa gleði má sérstaklega greina í síðasta lagi plötunnar, I want all, án þess þó að allt hitt sé einhver sálumessa Morrissey. Röddin er eftir sem áður trompið sem Silla má spila út sem oftast og nú vantar tilfinnanlega svipað íslenskt lýsingarorð og enska orðið „angelic“. Auk áðurnefndra laga má benda á fyrsta lagið, Dressed Lightly, og einnig Holding On, sem dæmi um afburða lagasmíðar. Þetta er bara allt svo „ekta“!Niðurstaða: Silla er á heimavelli í dimmum hljóðheimi þar sem vonin og gleðin eru aldrei langt undan.
Menning Tónlist Mest lesið Einhleypan: „No bullshit týpa“ Makamál Belgísk verðlaunaleikkona látin Lífið Leitar enn að fallegasta stað í heimi Lífið Tom Cruise og Ana de Armas á ferð og flugi Lífið „Aldrei liðið eins og týpískri girly-girl“ Lífið Stjörnulífið: Árshátíðir, stórafmæli og Peaky Blinders Lífið Sinfónía í sundi slegin af borðinu vegna kjötsúpu Lífið Fanney og Teitur eiga von á barni Lífið „Þessir menn eiga mikið pláss í hjarta manns“ Lífið Breytti tuðinu í grín sem hefur slegið í gegn Lífið Fleiri fréttir Strípibúlluást sem hleypir öllu í háaloft Stormur fellur á prófinu Víkingur Heiðar á fjölbreyttri afmælisveislu með ljóslifandi hápunktum Leiksigur Ladda Elísabet fær uppreist æru Tveggja barna miðaldra móðir sem er sjúk í strákinn Ævar vísindamaður í miðaldrakrísu Dansandi lögreglukór og fangarnir í Sniglabandinu Fyrirsjáanlegt fjölskyldudrama Bob og Robbie í bobba Fleetwood Mac: Þegar eftirlíkingin verður betri en raunveruleikinn Sjá meira