Umfjöllun og viðtöl: Grótta - Akureyri 28-29 | Bergvin fór á kostum í naumum sigri

Bergvin Þór Gíslason fór á kostum í liði Akureyrar í naumum eins marka sigri á Gróttu í 17. umferð Olís-deildar karla í kvöld 29-28 en með sigrinum skaust Akureyri upp í 5. sæti deildarinnar.

Um var að ræða leik sem var frestað á sínum tíma en liðin áttu það sameiginlegt að hafa spilað vel í undanförnum leikjum eftir að hafa byrjað tímabilið illa.

Sátu þau í 6-7. sætum Olís-deildarinnar með 14 stig fyrir leik dagsins.

Slakur sóknarleikur einkenndi fyrstu mínútur leiksins. Liðin töpuðu boltanum trekk í trekk, tóku léleg skot og var staðan að tíu mínútum loknum 3-1 fyrir Akureyri.

Bæði lið tóku við sér á þeim tíma og skiptust liðin á mörkum fram að lokum fyrri hálfleiks þegar Grótta náði góðum spretti og jafnaði metin í 13-13.

Liðin héldu áfram að skiptast á mörkum í seinni hálfleik en Seltirningar voru alltaf skrefinu á undan og leiddu lengst af með tveimur mörkum en Norðanmönnum tókst að jafna metin fjórum mínútum fyrir leikslok.

Akureyri missti mann af velli í næstu sókn Gróttu en þrátt fyrir að leika manni færri næstu mínúturnar tókst Akureyringum að ná tveggja marka forskoti með tveimur hraðaupphlaupsmörkum.

Grótta náði að minnka muninn og fékk tækifæri til þess að jafna metin á lokamínútum leiksins en þeim tókst ekki að koma skoti á markið og fögnuðu Norðanmenn því naumum en mikilvægum sigri.

Með sigrinum skaust Akureyri upp í 5. sæti Olís-deildarinnar en lokaleikur Norðanmanna fyrir vetrafrí er gegn ÍBV á fimmtudaginn.

Um var að ræða leik sem var frestað á sínum tíma en liðin áttu það sameiginlegt að hafa spilað vel í undanförnum leikjum eftir að hafa byrjað tímabilið illa. Sátu þau í 6-7. sætum Olís-deildarinnar með 14 stig fyrir leik dagsins.

Slakur sóknarleikur einkenndi fyrstu mínútur leiksins. Liðin töpuðu boltanum trekk í trekk, tóku léleg skot og var staðan að tíu mínútum loknum 3-1 fyrir Akureyri.

Bæði lið tóku við sér á þeim tíma og skiptust liðin á mörkum fram að lokum fyrri hálfleiks þegar Grótta náði góðum spretti og jafnaði metin í 13-13.

Liðin héldu áfram að skiptast á mörkum í seinni hálfleik en Seltirningar voru alltaf skrefinu á undan og leiddu lengst af með tveimur mörkum en Norðanmönnum tókst að jafna metin fjórum mínútum fyrir leikslok.

Akureyri missti mann af velli í næstu sókn Gróttu en þrátt fyrir að leika manni færri næstu mínúturnar tókst Akureyringum að ná tveggja marka forskoti með tveimur hraðaupphlaupsmörkum.

Grótta náði að minnka muninn og fékk tækifæri til þess að jafna metin á lokamínútum leiksins en þeim tókst ekki að koma skoti á markið og fögnuðu Norðanmenn því naumum en mikilvægum sigri.

Með sigrinum skaust Akureyri upp í 5. sæti Olís-deildarinnar en lokaleikur Norðanmanna fyrir vetrafrí er gegn ÍBV á fimmtudaginn.

Bergvin Þór fór á kostum í leiknum og skoraði alls 13 mörk en í liði Gróttu voru það Viggó Kristjánsson og Finnur Ingi Stefánsson sem voru atkvæðamestir með 7 mörk hvor.

Sverre: Strákarnir eiga skilið risastórt hrós„Að mínu mati var allur leikurinn spennandi. Þessi lið voru jöfn að stigum fyrir leikinn og hafa verið að spila mun betur undanfarnar vikur,“ sagði Sverre Andreas Jakobsson, þjálfari Akureyrar, aðspurður hvernig lokamínúturnar hefðu verið á hliðarlínunni í dag.

„Þetta er erfiður völlur heim að sækja og ég tek stigunum tveimur fagnandi. Gróttumenn hafa verið að spila mjög vel undanfarnar vikur.“

Sverre sá bæði jákvæða og neikvæða punkta í leiknum.

„Þetta var mjög flottur leikur að mörgu leyti en það er margt sem þarf að skoða betur. Þetta var þannig leikur, það var mikið í húfi og tvö jöfn lið að mætast. Það kom mér ekki á óvart að þetta vannst á aðeins einu marki,“ sagði Sverre og bætti við:

„Ég get ekki kvartað undan því að skora 29 mörk í leik, það er kannski helst varnarleikurinn sem hægt er að setja út á. Ég get hinsvegar ekki kvartað undan strákunum, þeir eiga risastórt hrós skilið eftir þetta.“

Hann var ánægður með viðbrögð liðsins þegar þeir léku manni færri undir lok leiksins.

„Maður hélt að þetta yrði kannski vendipuktur fyrir þá en þetta varð þess í stað vendipunktur fyrir okkur og tryggði okkur sigurinn. Við þiggjum þetta með bros á vor,“ sagði Sverre léttur að lokum.

Gunnar: Nokkrir dómar hérna undir lokin alveg út úr kortinu„Við erum helvíti fúlir, það tekur tíma að melta þetta tap,“ sagði Gunnar Andrésson, þjálfari Gróttu, hundsvekktur að leikslokum.

„Mér fannst sóknarlega fyrsta korterið við vera lélegir en þegar upp er staðið erum við með tvö varin skot í seinni hálfleik og það er erfitt að vinna leiki með.“

Leikurinn var kaflaskiptur en í fyrri hálfleik leiddi Akureyri lengst af en í seinni hálfleik voru Seltirningar yfirleitt með forystuna án þess að ná að hrista gestina frá sér.

„Varnarlega vorum við allt í lagi en það vantaði alltaf herslumuninn og þeir náðu alltaf að svara. Það á oftast að duga að skora 27 mörk til þess að vinna leiki en við fengum allt of fá auðveld mörk í leiknum í dag og það telur mikið.“

Gunnar var fámæltur þegar kom að dómgæslunni undir lok leiksins en hann virtist vera ósáttur.

„Mér fannst nokkrir dómar hérna undir lokin alveg út úr kortinu en ég ætla ekki að tjá mig meira um það,“ sagði Gunnar sem sagði það jákvætt að hafa verið jafn nálægt því að stela sigrinum þrátt fyrir að hafa ekkert leikið neitt frábærlega í dag.

„Fyrsta upplifun eftir leikinn er að við höfum aldrei náð að spila okkar besta leik. Við getum tekið það jákvætt úr þessu að þrátt fyrir hafa spilað svona vorum við inn í þessu allan tímann.“

Bergvin: Alltof tæpt hérna undir lokin„Þetta var mjög sætt verð ég að segja, þetta var allt of tæpt hérna undir lokin,“ sagði Bergvin Þór Gíslason, sáttur að leikslokum.

„Við vorum með tveggja marka forskot þegar mínúta var eftir og vorum að henda frá okkur boltanum. Við vorum stálheppnir að missa þetta ekki niður í jafntefli. Það var þrautseigja sem skilaði þessu.“

Í stað þess að missa hausinn þegar fjórar mínútur voru eftir og Akureyri missti mann af velli stigu leikmenn liðsins upp.

„Við sýndum mikinn karakter á þeim kafla og sýndum þroskamerki. Við töpuðum á móti þessu liði á heimavelli með sex mörkum og vorum algjörlega glórulausir í þeim leik. Ég myndi segja að það væri stígandi í leik okkar þessa stundina.“

Bergvin fór sjálfur á kostum í leiknum en hann skoraði 13 mörk úr aðeins 16 skotum.

„Ég er auðvitað bara ánægður. Ég var búinn að lofa félaga mínum að fara yfir tíu stiga múrinn og það tókst í dag svo ég er sáttur.“