Besta ár landsliðanna Óskar Ófeigur Jónsson skrifar 19. desember 2015 06:00 Strákarnir fagna. vísir/anton Íslenskt knattspyrnuáhugafólk má svo sannarlega vera stolt af A-landsliðum sínum á þessu ári því bæði liðin stóðu sig frábærlega í leikjum sínum í undankeppnum Evrópumótsins á árinu 2015. Knattspyrnuárið 2015 var því ekki aðeins sögulegt af því að karlalandsliðið tryggði sig inn á stórmót í fyrsta sinn. Kvennalandsliðið er á toppi síns riðils eftir sigra í öllum þremur keppnisleikjum sínum og tölfræðilega telst þetta vera besta landsliðsár fótboltans síðan stelpurnar fóru að keppa í undankeppnum HM og EM í byrjun tíunda áratugarins. A-landslið Íslands náðu alls í 20 stig af 27 mögulegum í keppnisleikjum sínum á árinu 2015 sem gerir rúmlega 74 prósent stiga í boði. Landsliðin hafa aldrei náð jafn stóru hlutfalli stiga í hús á árum þar sem bæði lið hafa spilað og reiknað er með þremur stigum fyrir hvern sigurleik.Bæði að blómstra Stigahlutfall liðanna hækkaði annað árið í röð og að þessu sinni er ekki bara annað landsliðið að blómstra heldur þau bæði. Varnarleikur beggja liða var afburðagóður á þessu ári. Stelpurnar héldu hreinu í öllum þremur leikjum sínum og karlaliðið fékk bara á sig fjögur mörk í sex leikjum. Það var því aðeins skorað fjórum sinnum hjá íslensku landsliðunum á 810 mínútum í níu keppnisleikjum ársins en það gerir mark á sig á meira en 200 mínútna fresti. Stelpurnar hjálpa reyndar við að hífa þessa tölu upp enda eru Guðbjörg Gunnarsdóttur og félagar hennar í kvennalandsliðinu ekki enn búnar að fá á sig mark í undankeppni EM 2017. Bæði lið spiluðu fyrstu 45 mínútur sinna leikja í undankeppni EM án þess að fá sig mark og voru í heildina aðeins undir í samtals sex mínútur í þessum níu leikjum. Sex mínútur af 810 eða aðeins sjö prósent leiktímans. Sú ótrúlega tölfræði verður seint leikin eftir.Freyr Alexandersson landsliðsþjálfari með æfingu.vísir/daníelKarlarnir draga tölfræðina niður Það eru aðeins síðustu leikir karlaliðsins sem draga tölfræðina niður en íslenska karlaliðið gaf eftir þegar sætið í Evrópukeppninni var í höfn. Íslenska karlaliðið vann þrjá fyrstu keppnisleiki sína eins og konurnar en fékk síðan aðeins tvö stig af níu mögulegum í síðustu þremur leikjunum. Baráttan var unnin og síðustu leikirnir breyttu litlu. Mikið var rætt um að það væri betra að vinna riðilinn en að lenda í öðru sætinu. Þegar kom að drættinum virtist það þó ekki skipta miklu máli. Íslenska liðið lenti í einum þægilegasta riðli keppninnar með Portúgal, Ungverjalandi og Austurríki en Tékkar, sigurvegarar riðilsins, þurfa að glíma við Spán, Króatíu og Tyrkland. Eitt ár stendur þessu ári framar frá því að kvennalandsliðið fór að taka þátt í undankeppnum stórmóta en þá giltu aðrar stigareglur en gera í dag.Munur á tveimur og þremur stigum Árið 1993 var tveggja stiga reglan enn í gildi hjá landsliðunum og þá spiluðu konurnar líka bara einn keppnisleik. Íslensku landsliðin náðu þetta ár í átta stig af tíu mögulegum, 80 prósent stiga í boði. Sé árangurinn hins vegar uppfærður á þriggja stiga regluna til að bera saman við árangurinn í ár þá var hann aðeins slakari fyrir 22 árum. Hefðu þrjú stig verið gefin fyrir sigur árið 1993 þá hefðu landsliðin náð í 73,3 prósent stiga í boði. Af þeim árum þar sem bæði lið hafa spilað fleiri en tvo keppnisleiki var árið í ár að bæta ársgamalt met eða síðan 69 prósent stiga komu í hús hjá liðunum árið 2014. Það þarf heldur ekki að fara lengra en til ársins 2012 til að finna fjórða besta árið. Á þessu sést að knattspyrnulandsliðin hafa verið að stíga stór skref og að litla Ísland á öflug landslið hjá báðum kynjum sem eiga raunhæfan möguleika á sigri í hverjum leik. Knattspyrnuárið 2015 var sögulegt og það er þegar ljóst að knattspyrnuárið 2016 verður einnig mjög sögulegt. Karlaliðið tekur þátt í sínu fyrsta stórmóti og konurnar fá gott tækifæri til að tryggja sig inn á þriðja Evrópumótið í röð. Þær gætu jafnvel komist beint inn (ekki í gegnum umspil eins og á EM 2009 og 2013) en úrslitaleikirnir við Skota á næsta ári ráða líklega öllu um það. Það er því einstaklega áhugavert og vonandi jafn farsælt landsliðsár fram undan. Íslenski boltinn Mest lesið Sagt upp störfum hjá Aftureldingu Handbolti Niðurstaðan staðfest og fall blasir við Leicester Enski boltinn Biðlar til lýsenda sonar síns vegna Enski boltinn „Á meðan það er tími á klukkunni þá er alltaf möguleiki til að vinna“ Sport „Áður en ég hætti var Gísli á leiðinni í Breiðablik“ Íslenski boltinn Besta-spáin 2026: Enginn afsláttur Íslenski boltinn 76 prósent leikmanna kjósa Miðflokk eða Sjálfstæðisflokk Íslenski boltinn Wirtz segir Van Dijk hafa haft rangt fyrir sér Fótbolti Rúllaði um gólfið í fanginu á dómaranum Körfubolti Stjarnan með sterka yfirlýsingu í fyrsta leik Handbolti Fleiri fréttir Víkingar efstir en Þórsarar neðstir í spánni 76 prósent leikmanna kjósa Miðflokk eða Sjálfstæðisflokk Svona var kynningarfundur Bestu deildar karla „KR er ekkert að fara að slaka á og vera varfærnir“ Besta-spáin 2026: Enginn afsláttur „Áður en ég hætti var Gísli á leiðinni í Breiðablik“ „Dreymir að minnsta kosti um Evrópu“ Besta-spáin 2026: Vöðvarnir hnyklaðir Sérfræðingarnir svara: Albert synti gegn straumnum Keflvíkingur keppti í Squid Game KR - Valur 4-2 | Síst of stór sigur og KR áfram Þroskamerki fyrir KR: „Það sem hefur vantað er andlegur styrkur „Það er ekki afsökun heldur staðreynd“ Óskar forviða á fullyrðingu Hödda Magg: Á yngsta barnið að borða úti á svölum? Varla spilað fótbolta í fjögur ár en skaut Gróttu áfram Damir skaut Grindvíkinga áfram í vítakeppni Viktor í stuði á Skaganum og dramatík í Egilshöll Leikmenn Hauka fastir í bænum og þjálfararnir á bekkinn „Þetta eru alltaf risastórir leikir“ „Finnst Valur ekki vera þannig klúbbur“ Besta-spáin 2026: Stórar spurningar Samvinna Emils og Birnis gerði gæfumuninn Reykjavíkurslagur KR og Vals færður inn í Egilshöll „Vonandi keppa þeir af alvöru um það að komast í topp þrjá“ Besta-spáin 2026: Skref fyrir skref Sérfræðingarnir svara: Hverjir valda mestum vonbrigðum í sumar? Markaveislan í bikarnum: Nýir menn stimpla sig rækilega inn „Menn hafa alltaf eitthvað að segja“ Kristófer með tvennu er Blikar flugu áfram í bikarnum Djuric skoraði er KA komst áfram í bikarnum Sjá meira
Íslenskt knattspyrnuáhugafólk má svo sannarlega vera stolt af A-landsliðum sínum á þessu ári því bæði liðin stóðu sig frábærlega í leikjum sínum í undankeppnum Evrópumótsins á árinu 2015. Knattspyrnuárið 2015 var því ekki aðeins sögulegt af því að karlalandsliðið tryggði sig inn á stórmót í fyrsta sinn. Kvennalandsliðið er á toppi síns riðils eftir sigra í öllum þremur keppnisleikjum sínum og tölfræðilega telst þetta vera besta landsliðsár fótboltans síðan stelpurnar fóru að keppa í undankeppnum HM og EM í byrjun tíunda áratugarins. A-landslið Íslands náðu alls í 20 stig af 27 mögulegum í keppnisleikjum sínum á árinu 2015 sem gerir rúmlega 74 prósent stiga í boði. Landsliðin hafa aldrei náð jafn stóru hlutfalli stiga í hús á árum þar sem bæði lið hafa spilað og reiknað er með þremur stigum fyrir hvern sigurleik.Bæði að blómstra Stigahlutfall liðanna hækkaði annað árið í röð og að þessu sinni er ekki bara annað landsliðið að blómstra heldur þau bæði. Varnarleikur beggja liða var afburðagóður á þessu ári. Stelpurnar héldu hreinu í öllum þremur leikjum sínum og karlaliðið fékk bara á sig fjögur mörk í sex leikjum. Það var því aðeins skorað fjórum sinnum hjá íslensku landsliðunum á 810 mínútum í níu keppnisleikjum ársins en það gerir mark á sig á meira en 200 mínútna fresti. Stelpurnar hjálpa reyndar við að hífa þessa tölu upp enda eru Guðbjörg Gunnarsdóttur og félagar hennar í kvennalandsliðinu ekki enn búnar að fá á sig mark í undankeppni EM 2017. Bæði lið spiluðu fyrstu 45 mínútur sinna leikja í undankeppni EM án þess að fá sig mark og voru í heildina aðeins undir í samtals sex mínútur í þessum níu leikjum. Sex mínútur af 810 eða aðeins sjö prósent leiktímans. Sú ótrúlega tölfræði verður seint leikin eftir.Freyr Alexandersson landsliðsþjálfari með æfingu.vísir/daníelKarlarnir draga tölfræðina niður Það eru aðeins síðustu leikir karlaliðsins sem draga tölfræðina niður en íslenska karlaliðið gaf eftir þegar sætið í Evrópukeppninni var í höfn. Íslenska karlaliðið vann þrjá fyrstu keppnisleiki sína eins og konurnar en fékk síðan aðeins tvö stig af níu mögulegum í síðustu þremur leikjunum. Baráttan var unnin og síðustu leikirnir breyttu litlu. Mikið var rætt um að það væri betra að vinna riðilinn en að lenda í öðru sætinu. Þegar kom að drættinum virtist það þó ekki skipta miklu máli. Íslenska liðið lenti í einum þægilegasta riðli keppninnar með Portúgal, Ungverjalandi og Austurríki en Tékkar, sigurvegarar riðilsins, þurfa að glíma við Spán, Króatíu og Tyrkland. Eitt ár stendur þessu ári framar frá því að kvennalandsliðið fór að taka þátt í undankeppnum stórmóta en þá giltu aðrar stigareglur en gera í dag.Munur á tveimur og þremur stigum Árið 1993 var tveggja stiga reglan enn í gildi hjá landsliðunum og þá spiluðu konurnar líka bara einn keppnisleik. Íslensku landsliðin náðu þetta ár í átta stig af tíu mögulegum, 80 prósent stiga í boði. Sé árangurinn hins vegar uppfærður á þriggja stiga regluna til að bera saman við árangurinn í ár þá var hann aðeins slakari fyrir 22 árum. Hefðu þrjú stig verið gefin fyrir sigur árið 1993 þá hefðu landsliðin náð í 73,3 prósent stiga í boði. Af þeim árum þar sem bæði lið hafa spilað fleiri en tvo keppnisleiki var árið í ár að bæta ársgamalt met eða síðan 69 prósent stiga komu í hús hjá liðunum árið 2014. Það þarf heldur ekki að fara lengra en til ársins 2012 til að finna fjórða besta árið. Á þessu sést að knattspyrnulandsliðin hafa verið að stíga stór skref og að litla Ísland á öflug landslið hjá báðum kynjum sem eiga raunhæfan möguleika á sigri í hverjum leik. Knattspyrnuárið 2015 var sögulegt og það er þegar ljóst að knattspyrnuárið 2016 verður einnig mjög sögulegt. Karlaliðið tekur þátt í sínu fyrsta stórmóti og konurnar fá gott tækifæri til að tryggja sig inn á þriðja Evrópumótið í röð. Þær gætu jafnvel komist beint inn (ekki í gegnum umspil eins og á EM 2009 og 2013) en úrslitaleikirnir við Skota á næsta ári ráða líklega öllu um það. Það er því einstaklega áhugavert og vonandi jafn farsælt landsliðsár fram undan.
Íslenski boltinn Mest lesið Sagt upp störfum hjá Aftureldingu Handbolti Niðurstaðan staðfest og fall blasir við Leicester Enski boltinn Biðlar til lýsenda sonar síns vegna Enski boltinn „Á meðan það er tími á klukkunni þá er alltaf möguleiki til að vinna“ Sport „Áður en ég hætti var Gísli á leiðinni í Breiðablik“ Íslenski boltinn Besta-spáin 2026: Enginn afsláttur Íslenski boltinn 76 prósent leikmanna kjósa Miðflokk eða Sjálfstæðisflokk Íslenski boltinn Wirtz segir Van Dijk hafa haft rangt fyrir sér Fótbolti Rúllaði um gólfið í fanginu á dómaranum Körfubolti Stjarnan með sterka yfirlýsingu í fyrsta leik Handbolti Fleiri fréttir Víkingar efstir en Þórsarar neðstir í spánni 76 prósent leikmanna kjósa Miðflokk eða Sjálfstæðisflokk Svona var kynningarfundur Bestu deildar karla „KR er ekkert að fara að slaka á og vera varfærnir“ Besta-spáin 2026: Enginn afsláttur „Áður en ég hætti var Gísli á leiðinni í Breiðablik“ „Dreymir að minnsta kosti um Evrópu“ Besta-spáin 2026: Vöðvarnir hnyklaðir Sérfræðingarnir svara: Albert synti gegn straumnum Keflvíkingur keppti í Squid Game KR - Valur 4-2 | Síst of stór sigur og KR áfram Þroskamerki fyrir KR: „Það sem hefur vantað er andlegur styrkur „Það er ekki afsökun heldur staðreynd“ Óskar forviða á fullyrðingu Hödda Magg: Á yngsta barnið að borða úti á svölum? Varla spilað fótbolta í fjögur ár en skaut Gróttu áfram Damir skaut Grindvíkinga áfram í vítakeppni Viktor í stuði á Skaganum og dramatík í Egilshöll Leikmenn Hauka fastir í bænum og þjálfararnir á bekkinn „Þetta eru alltaf risastórir leikir“ „Finnst Valur ekki vera þannig klúbbur“ Besta-spáin 2026: Stórar spurningar Samvinna Emils og Birnis gerði gæfumuninn Reykjavíkurslagur KR og Vals færður inn í Egilshöll „Vonandi keppa þeir af alvöru um það að komast í topp þrjá“ Besta-spáin 2026: Skref fyrir skref Sérfræðingarnir svara: Hverjir valda mestum vonbrigðum í sumar? Markaveislan í bikarnum: Nýir menn stimpla sig rækilega inn „Menn hafa alltaf eitthvað að segja“ Kristófer með tvennu er Blikar flugu áfram í bikarnum Djuric skoraði er KA komst áfram í bikarnum Sjá meira