Jón Daði spilaði flesta landsleiki á árinu 2015

Jón Daði Böðvarsson kom við sögu í tapinu á móti Slóvakíu í gærkvöldi en þetta var ellefti og síðasti landsleikur karlalandsliðsins í fótbolta á árinu 2015.

Jón Daði var þarna að taka þátt í tíunda landsleik sínum á árinu 2015 en hann missti bara af einum landsleik á þessu ári. Jón Daði gat ekki spilaði vegna meiðsla í jafntefli á móti Lettland í október.

Jón Daði var í byrjunarliðinu í sjö af þessum tíu leikjum en hann náði ekki að spila allar 90 mínúturnar í neinum þeirra þar sem hann var tekinn útaf í öllum sjö leikjunum sem hann byrjaði.

Jón Daði er eini leikmaður liðsins sem náði að spila tíu landsleiki á árinu 2015 en hann lék einum leik meira en þeir Ari Freyr Skúlason, Birkir Már Sævarsson, Jóhann Berg Guðmundsson og Ragnar Sigurðsson.

Ari Freyr Skúlason var hinsvegar sá sem var oftast í byrjunarliðinu á árinu 2015 eða alls átta sinnum. Birkir Bjarnason, Birkir Már Sævarsson, Jóhann Berg Guðmundsson, Jón Daði Böðvarsson og Ragnar Sigurðsson byrjuðu allir sjö leiki.

Jón Daði er aðeins sjöundi leikmaðurinn á þessari öld sem nær að spila tíu A-landsleiki á einu ári en fjórir af hinum sex náðu því á árinu 2013 þegar íslenska landsliðið spilaði tíu leiki.

Jón Daði er nú á leiðinni í þýska boltann en hann spilaði síðasta leik sinn með norska úrvalsdeildarliðinu Viking. Jón Daði spilar með þýska b-deildarliðinu Kaiserslautern eftir að vetrarfríinu lýkur í Þýskalandi.



Tíu landsleikjaár leikmanna á þessari öld (frá og með 2000):

11 landsleikir

Birkir Már Sævarsson, 2008 11 (11 í byrjunarliði)

10 landsleikir

Pálmi Rafn Pálmason, 2008 (3)

Birkir Bjarnason, 2013 (10)

Ari Freyr Skúlason, 2013 (9)

Ragnar Sigurðsson, 2013 (9)

Eiður Smári Guðjohnsen, 2013 (5)

Jón Daði Böðvarsson, 2015 (7)



Flestir landsleikir spilaðir á árinu 2015:

Jón Daði Böðvarsson      10

Ari Freyr Skúlason      9

Birkir Már Sævarsson      9

Jóhann Berg Guðmundsson     9

Ragnar Sigurðsson      9

Birkir Bjarnason     8

Kolbeinn Sigþórsson      8

Alfreð Finnbogason      7

Gylfi Þór Sigurðsson      7

Kári Árnason      7

Aron Einar Gunnarsson      6

Hannes Þór Halldórsson      6