Bretar hafna lækkun túrskattsins

Tillaga hóps breskra þingmanna frá Verkamannaflokknum, Íhaldsflokknum og skoska Þjóðernisflokknum um að lækka skatt á dömubindi og túrtappa var í gærkvöldi felld í breska þinginu.

Gegn tillögunni kusu 305 en með henni 287 þingmenn. Ef tillagan hefði komist í gegn hefði Bretland þurft að semja við Evrópusambandið um lækkun virðisaukaskatts á vörurnar. Tollurinn á Bretlandi kallar dömubindi og túrtappa „óþarfa og lúxusvörur." Þess vegna er lagður 5% virðisaukaskattur á þær.

Almenningur hefur kallað eftir því að stjórnvöld afnemi þennan skatt. Það tókst þó ekki í þetta sinn. Fyrr í mánuðinum var tillaga á franska þinginu af svipuðu tagi einnig felld.