Mesta tap norska Olíusjóðsins í fjögur ár

Norksi Olíusjóðurinn tilkynnti um mesta tap sitt í fjögur ár. Ástæður þess eru meðal annars hrun kínverska hlutabréfamarkaðarins og áhrif díselsvindls Volkswagen. Þetta er í fyrsta sinn sem norska ríkisstjórnin hyggst taka pening út úr sjóðnum til að laga fjárlagahalla. 

Sjóðurinn tapaði 273 milljörðum norskra króna, jafnvirði 4.100 milljarða íslenskra króna, á þriðja ársfjórðungi. Hlutabréfaeignir sjóðsins drógust saman um 8,6 prósent. Þetta er í fyrsta sinn í sex ár sem sjóðurinn tilkynnir um tap tvo ársfjórðunga í röð. Sjóðurinn hefur tapað 21,3 prósent af virði sínu í kínverskum hlutabréfum. 

Olíusjóðurinn hefur sexfaldast undanfarin áratug vegna hærra olíuverðs. Talið er að næstu árin verði ekki jafn farsæl en norska ríkisstjórnin mun taka út 440 milljónir dollara, jafnvirði 56 milljarða íslenskra króna, og nýta það til innspýtingar í hagkerfið þar sem hrávöruverð olíu hefur dregist saman um 50 prósent.