Nýr forstjóri hjá Twitter

Twitter hefur útnefnt Jack Dorsey sem nýjan forstjóra fyrirtækisins. Þetta tilkynnti hann í tísti á Twitter. Jack Dorsey kom að stofnun fyrirtækisins og hefur sinnt starfi forstjóra undanfarin misseri. Sögsusagnir hafa verið að því í fjölmiðlum vestanhafs í nokkrar vikur að Dorsey myndi taka við stöðunni.

Dorsey mun samhliða starfinu hjá Twitter vera forstjóri Square Inc., sem er greiðslufyrirtæki sem hann stofnaði árið 2009.

Adam Bain hefur einnig tekið við stjórnunarstöðu innan fyrirtækisins. Hlutabréf Twitter hafa fallið um 26% í verði á árinu. Eftir tilkynninguna um nýjan forstjóri hækkuðu þau um 2,4%.