Þurfum að ná taktinum aftur Kristinn Páll Teitsson skrifar 17. september 2015 06:00 Sara og Glódís eru samherjar í landsliðinu en andstæðingar í sænsku deildinni. vísir/stefán Íslenska kvennalandsliðið leikur í kvöld æfingarleik gegn Slóvakíu á Laugardalsvelli. Flautað verður til leiks klukkan 18.00 í Laugardalnum en um er að ræða lokaundirbúning liðsins fyrir undankeppni Evrópumótsins 2017 sem fer fram í Hollandi. Töluverð pressa er á íslenska liðinu sem var í efsta styrkleikaflokki þegar dregið var í undankeppnina enda hefur liðið komist á lokakeppni EM í síðustu tveimur tilraunum. Sara Björk Gunnarsdóttir, sem er einn af leikreyndustu leikmönnum íslenska liðsins þrátt fyrir ungan aldur, segir að stelpurnar séu tilbúnar í slaginn. „Stemmingin í hópnum er mjög góð, við erum spenntar að byrja þetta verkefni. Við erum búnar að ná að æfa aðeins saman áður en alvaran tekur við og við erum einbeittar á verkefnið sem er framundan. Þegar þú mætir í landsliðið fer alltaf öll einbeitingin í það verkefni.“Sara Björk er, þrátt fyrir ungan aldur, fyrirliði landsliðsins og Rosengård.vísir/stefánÞurfum að stilla saman strengina Gera má ráð fyrir að hin tvítuga Glódís Perla Viggósdóttir verði í lykilhlutverki í íslenska liðinu í undankeppninni. Hefur Glódís farið vel af stað á sínu fyrsta ári í atvinnumennsku en hún hefur verið í byrjunarliði í öllum átján leikjum Eskilstuna í sænsku deildinni. Tók hún undir orð Söru um að það væri mikil spenna hjá leikmönnum liðsins að hefja undankeppnina. „Við erum spenntar að bíða eftir leiknum gegn Slóvakíu og svo byrja undankeppnina í næstu viku, við munum reyna að nota leikinn í dag til þess að rifja upp áherslurnar okkar til undirbúnings.“ Freyr Alexandersson, þjálfari liðsins, hafði orð á því á dögunum að kynslóðaskiptunum í landsliðinu sem hófust í síðustu undankeppni væri lokið. Sagðist hann vera spenntur fyrir hópnum sem hann hefði í höndunum en þetta er önnur undankeppni íslenska liðsins undir stjórn Freys. „Freyr kom inn með góðar áherslur og við erum búnar að vera að spila okkur saman sem lið undanfarin tvö ár sem mér finnst ganga vel. Við erum með gott lið og góða blöndu sem ætlar sér stóra hluti,“ sagði Glódís en Sara var ánægð með frammistöðu yngri leikmanna liðsins. „Það er frábært að fá æfingarleikinn til þess að stilla saman strengina og sjá hvernig liðið spilar. Það er liðið hálft ár síðan við spiluðum síðast saman gegn Hollandi og við þurfum að ná taktinum aftur. Nýju leikmennirnir eins og Glódís og Arna hafa komið inn í þetta af miklum krafti eins og sást í Algarve-mótinu þar sem við spiluðum frábæran varnarleik,“ sagði Sara.Glódís er á sínu fyrsta tímabili í atvinnumennsku.vísir/stefánÆtlum að vinna riðilinn Stelpurnar fara ekkert leynt með það að markmiðið er að vinna riðilinn enda úr efsta styrkleikaflokki. Hafa þær þurft að fara í umspil síðustu tvö skipti en núna er markmiðið að tryggja sig beint inn. „Við erum fyrirfram sterkasta liðið í riðlinum en við munum ekki vanmeta neitt lið í þessum riðli, við megum ekki við því,“ sagði Sara og Glódís tók undir það. „Markmiðið er að vinna riðilinn núna og fara beint inn á lokamótið en ekki í umspilið eins og síðustu tvö skipti. Þetta verður samt erfiður riðill, það er alltaf erfitt á útivelli og við verðum að gæta okkar að fara ekki fram úr okkur.“Auðveldara þegar þú ert að vinna leiki Sara og Glódís eru samherjar í íslenska landsliðinu en lið þeirra, Eskilstuna og Rosengard, eru þessa dagana að keppa um sænska meistaratitilinn. Glódís og félagar í Eskilstuna eru með fjögurra stiga forskot þegar fjórar umferðir eru eftir. Viðurkenndi Glódís að þetta væri draumi líkast en hún hefur leikið alla leikina á sínu fyrsta tímabili í atvinnumennsku. „Þetta hefur gengið ótrúlega vel og það hefur eiginlega allt gengið upp hjá okkur í Eskilstuna sem auðveldar það að fara út í atvinnumennsku. Mér líður mjög vel úti og þetta er mun betra en ég þorði að vona. Okkur gekk vel í byrjun og þá fór maður að hugsa að við gætum kannski gert eitthvað úr þessu en það eru tólf stig í pottinum og við getum ekki gefist upp,“ sagði Glódís sem er ánægð í atvinnumennskunni. „Mér líður mjög vel þarna hjá þessu félagi, þjálfararnir og leikmennirnir hafa tekið vel á móti mér sem var mér mikilvægt. Svo líður manni auðvitað betur þegar maður er að vinna leiki,“ sagði Glódís. Þrátt fyrir að aðeins fjórar umferðir séu eftir hafa þær ekkert rætt titilbaráttuna. „Þegar við erum í landsliðinu þá einbeitum við okkur bara að landsliðinu og við reynum að sleppa öllu öðru,“ sagði Sara og Glódís tók í sama streng. „Við erum náttúrulega bara að hugsa um landsliðið og svo þegar það er búið förum við út og höldum áfram að slást þar. Það eru allir vinir hérna, við geymum það að skjóta hvor á aðra þangað til við komum út,“ sagði Glódís. Íslenski boltinn Mest lesið Bein útsending: Bakgarðshlaupið í Heiðmörk Sport „Hún var frábær eiginkona, mögnuð móðir sem og amma“ Fótbolti Varamaðurinn tryggði meisturunum dramatískt stig Enski boltinn „Hundrað kílómetrar að drepast úr sýkingu er bara fínt“ Sport Uppgjörið: KR - Vestri 2-2 | Guy Smit bjargaði stigi fyrir KR Íslenski boltinn Albert skoraði tvö í fyrsta leiknum fyrir Fiorentina Fótbolti Sögulegur dagur er Thelma sópaði til sín gullverðlaunum Sport Bellingham kallaði dómarann skíthæl Fótbolti Thelma Norður-Evrópumeistari í stökki Sport Uppgjörið: Keflavík - ÍR 2-3 | Keflvíkingar í úrslitaleikinn Íslenski boltinn Fleiri fréttir Liðsfélagi Arnórs með bitför eftir andstæðing Arteta vildi ekki tjá sig um rauða spjaldið Atlético Madrid gerði enn eitt jafnteflið Uppgjörið og viðtöl: Fram - Fylkir 2-0 | Langþráður sigur Fram setur níu tær í efstu deild að ári Jóhann Berg skoraði en Al Orubah úr leik Enn eitt flautumark Leverkusen og Dortmund steinlá Júlíus lagði upp og Fredrikstad nálgast Evrópusæti Lewandowski skoraði tvö og klikkaði á víti í stórsigri Barcelona Gabbia hetjan í borgarslagnum „Endum leikinn sem betra liðið“ „Mikilvægt að við þorum að vera við sjálfir“ Samantha: Mögulega besti leikur minn á Íslandi „Höfum bara aldrei verið jafn fegnir að fá hálfleik“ Uppgjörið: KR - Vestri 2-2 | Guy Smit bjargaði stigi fyrir KR Uppgjörið: Keflavík - ÍR 2-3 | Keflvíkingar í úrslitaleikinn Leik lokið: Breiðablik - Þór/KA 6-1 | Blikar skoruðu sex og eru áfram á toppnum Varamaðurinn tryggði meisturunum dramatískt stig Þrjú rauð á loft þegar Brighton og Forest gerðu jafntefli Tveir varnarmenn KR meiddust á æfingu á Starhaga Kristall áfram í stuði og lagði upp mark Hólmbert með tvö mörk í fyrstu tveimur leikjunum fyrir nýja liðið Lagði upp mark tveimur mínútum eftir að hann kom inn á Albert skoraði tvö í fyrsta leiknum fyrir Fiorentina Bellingham kallaði dómarann skíthæl Gerðu grín að Mourinho: Sá grenjandi „Allir vilja að við verðum þurrkaðir af yfirborði jarðar“ „Hún var frábær eiginkona, mögnuð móðir sem og amma“ „Átum þá lifandi í fyrri hálfleik“ Jafnt hjá PSG og Galatasaray vann stórleikinn í Tyrklandi Setja pressu á Barcelona með sigri Sjá meira
Íslenska kvennalandsliðið leikur í kvöld æfingarleik gegn Slóvakíu á Laugardalsvelli. Flautað verður til leiks klukkan 18.00 í Laugardalnum en um er að ræða lokaundirbúning liðsins fyrir undankeppni Evrópumótsins 2017 sem fer fram í Hollandi. Töluverð pressa er á íslenska liðinu sem var í efsta styrkleikaflokki þegar dregið var í undankeppnina enda hefur liðið komist á lokakeppni EM í síðustu tveimur tilraunum. Sara Björk Gunnarsdóttir, sem er einn af leikreyndustu leikmönnum íslenska liðsins þrátt fyrir ungan aldur, segir að stelpurnar séu tilbúnar í slaginn. „Stemmingin í hópnum er mjög góð, við erum spenntar að byrja þetta verkefni. Við erum búnar að ná að æfa aðeins saman áður en alvaran tekur við og við erum einbeittar á verkefnið sem er framundan. Þegar þú mætir í landsliðið fer alltaf öll einbeitingin í það verkefni.“Sara Björk er, þrátt fyrir ungan aldur, fyrirliði landsliðsins og Rosengård.vísir/stefánÞurfum að stilla saman strengina Gera má ráð fyrir að hin tvítuga Glódís Perla Viggósdóttir verði í lykilhlutverki í íslenska liðinu í undankeppninni. Hefur Glódís farið vel af stað á sínu fyrsta ári í atvinnumennsku en hún hefur verið í byrjunarliði í öllum átján leikjum Eskilstuna í sænsku deildinni. Tók hún undir orð Söru um að það væri mikil spenna hjá leikmönnum liðsins að hefja undankeppnina. „Við erum spenntar að bíða eftir leiknum gegn Slóvakíu og svo byrja undankeppnina í næstu viku, við munum reyna að nota leikinn í dag til þess að rifja upp áherslurnar okkar til undirbúnings.“ Freyr Alexandersson, þjálfari liðsins, hafði orð á því á dögunum að kynslóðaskiptunum í landsliðinu sem hófust í síðustu undankeppni væri lokið. Sagðist hann vera spenntur fyrir hópnum sem hann hefði í höndunum en þetta er önnur undankeppni íslenska liðsins undir stjórn Freys. „Freyr kom inn með góðar áherslur og við erum búnar að vera að spila okkur saman sem lið undanfarin tvö ár sem mér finnst ganga vel. Við erum með gott lið og góða blöndu sem ætlar sér stóra hluti,“ sagði Glódís en Sara var ánægð með frammistöðu yngri leikmanna liðsins. „Það er frábært að fá æfingarleikinn til þess að stilla saman strengina og sjá hvernig liðið spilar. Það er liðið hálft ár síðan við spiluðum síðast saman gegn Hollandi og við þurfum að ná taktinum aftur. Nýju leikmennirnir eins og Glódís og Arna hafa komið inn í þetta af miklum krafti eins og sást í Algarve-mótinu þar sem við spiluðum frábæran varnarleik,“ sagði Sara.Glódís er á sínu fyrsta tímabili í atvinnumennsku.vísir/stefánÆtlum að vinna riðilinn Stelpurnar fara ekkert leynt með það að markmiðið er að vinna riðilinn enda úr efsta styrkleikaflokki. Hafa þær þurft að fara í umspil síðustu tvö skipti en núna er markmiðið að tryggja sig beint inn. „Við erum fyrirfram sterkasta liðið í riðlinum en við munum ekki vanmeta neitt lið í þessum riðli, við megum ekki við því,“ sagði Sara og Glódís tók undir það. „Markmiðið er að vinna riðilinn núna og fara beint inn á lokamótið en ekki í umspilið eins og síðustu tvö skipti. Þetta verður samt erfiður riðill, það er alltaf erfitt á útivelli og við verðum að gæta okkar að fara ekki fram úr okkur.“Auðveldara þegar þú ert að vinna leiki Sara og Glódís eru samherjar í íslenska landsliðinu en lið þeirra, Eskilstuna og Rosengard, eru þessa dagana að keppa um sænska meistaratitilinn. Glódís og félagar í Eskilstuna eru með fjögurra stiga forskot þegar fjórar umferðir eru eftir. Viðurkenndi Glódís að þetta væri draumi líkast en hún hefur leikið alla leikina á sínu fyrsta tímabili í atvinnumennsku. „Þetta hefur gengið ótrúlega vel og það hefur eiginlega allt gengið upp hjá okkur í Eskilstuna sem auðveldar það að fara út í atvinnumennsku. Mér líður mjög vel úti og þetta er mun betra en ég þorði að vona. Okkur gekk vel í byrjun og þá fór maður að hugsa að við gætum kannski gert eitthvað úr þessu en það eru tólf stig í pottinum og við getum ekki gefist upp,“ sagði Glódís sem er ánægð í atvinnumennskunni. „Mér líður mjög vel þarna hjá þessu félagi, þjálfararnir og leikmennirnir hafa tekið vel á móti mér sem var mér mikilvægt. Svo líður manni auðvitað betur þegar maður er að vinna leiki,“ sagði Glódís. Þrátt fyrir að aðeins fjórar umferðir séu eftir hafa þær ekkert rætt titilbaráttuna. „Þegar við erum í landsliðinu þá einbeitum við okkur bara að landsliðinu og við reynum að sleppa öllu öðru,“ sagði Sara og Glódís tók í sama streng. „Við erum náttúrulega bara að hugsa um landsliðið og svo þegar það er búið förum við út og höldum áfram að slást þar. Það eru allir vinir hérna, við geymum það að skjóta hvor á aðra þangað til við komum út,“ sagði Glódís.
Íslenski boltinn Mest lesið Bein útsending: Bakgarðshlaupið í Heiðmörk Sport „Hún var frábær eiginkona, mögnuð móðir sem og amma“ Fótbolti Varamaðurinn tryggði meisturunum dramatískt stig Enski boltinn „Hundrað kílómetrar að drepast úr sýkingu er bara fínt“ Sport Uppgjörið: KR - Vestri 2-2 | Guy Smit bjargaði stigi fyrir KR Íslenski boltinn Albert skoraði tvö í fyrsta leiknum fyrir Fiorentina Fótbolti Sögulegur dagur er Thelma sópaði til sín gullverðlaunum Sport Bellingham kallaði dómarann skíthæl Fótbolti Thelma Norður-Evrópumeistari í stökki Sport Uppgjörið: Keflavík - ÍR 2-3 | Keflvíkingar í úrslitaleikinn Íslenski boltinn Fleiri fréttir Liðsfélagi Arnórs með bitför eftir andstæðing Arteta vildi ekki tjá sig um rauða spjaldið Atlético Madrid gerði enn eitt jafnteflið Uppgjörið og viðtöl: Fram - Fylkir 2-0 | Langþráður sigur Fram setur níu tær í efstu deild að ári Jóhann Berg skoraði en Al Orubah úr leik Enn eitt flautumark Leverkusen og Dortmund steinlá Júlíus lagði upp og Fredrikstad nálgast Evrópusæti Lewandowski skoraði tvö og klikkaði á víti í stórsigri Barcelona Gabbia hetjan í borgarslagnum „Endum leikinn sem betra liðið“ „Mikilvægt að við þorum að vera við sjálfir“ Samantha: Mögulega besti leikur minn á Íslandi „Höfum bara aldrei verið jafn fegnir að fá hálfleik“ Uppgjörið: KR - Vestri 2-2 | Guy Smit bjargaði stigi fyrir KR Uppgjörið: Keflavík - ÍR 2-3 | Keflvíkingar í úrslitaleikinn Leik lokið: Breiðablik - Þór/KA 6-1 | Blikar skoruðu sex og eru áfram á toppnum Varamaðurinn tryggði meisturunum dramatískt stig Þrjú rauð á loft þegar Brighton og Forest gerðu jafntefli Tveir varnarmenn KR meiddust á æfingu á Starhaga Kristall áfram í stuði og lagði upp mark Hólmbert með tvö mörk í fyrstu tveimur leikjunum fyrir nýja liðið Lagði upp mark tveimur mínútum eftir að hann kom inn á Albert skoraði tvö í fyrsta leiknum fyrir Fiorentina Bellingham kallaði dómarann skíthæl Gerðu grín að Mourinho: Sá grenjandi „Allir vilja að við verðum þurrkaðir af yfirborði jarðar“ „Hún var frábær eiginkona, mögnuð móðir sem og amma“ „Átum þá lifandi í fyrri hálfleik“ Jafnt hjá PSG og Galatasaray vann stórleikinn í Tyrklandi Setja pressu á Barcelona með sigri Sjá meira