Kate Hudson andlit Jimmy Choo

Leikkonan Kate Hudson er andlit haustlínu skóhönnuðarins Jimmy Choo. Er það orðið hefð að fá þekktar leikkonur í hlutverkið og var leikkonan Leighton Meester andlit sumarlínu þessa árs.

Einnig var tekið stutt viðtal við Kate þar sem hún ræddi meðal annars um samstarf móður sinnar, Goldie Hawn, og búningahönnuðarins Bob Mackie hér áður fyrr. Að auki var Kate spurð hverjar hennar tískufyrirmyndir væru og nefndi hún þá Julie Christie, Kate Moss og Cher.

Hér fyrir neðan má sjá myndir úr herferðinni, en við verðum þó að viðurkenna að við erum spenntari fyrir hárinu á Kate en skólínunni sjálfri. Dæmi nú hver fyrir sig.