Pirlo valinn í landsliðið - Balotelli kemst ekki í hóp

Ítalski miðjumaðurinn Andrea Pirlo hefur verið valinn í ítalska landsliðshópinn fyrir leikina gegn Búlgaríu og Möltu.

Pirlo færði sig frá Juve í sumar og yfir til Bandaríkjanna og leikur hann með New York City FC. Pirlo er 36 ára og var jafnvel talið að landsliðsferill hans væri á enda kominn eftir vistaskiptinn yfir til New Yrok.

Graziano Pelle og Matteo Darmian voru einnig valdir í hópinn en Mario Balotelli var enn einu sinni haldið fyrir utan hóp, þrátt fyrir að vera kominn á ný til AC Milan frá Liverpool. Balotelli var í leikmannahópi Milan í gærkvöldi en kom ekki við sögu í leiknum.