Lítil flugvél nauðlenti í Súðavíkurhlíð

Tveir menn sluppu með skrekkinn þegar nauðlenda þurfti lítilli flugvél í Súðavíkurhlíð um tólfleytið í dag. Flugvélin fór á loft á flugvellinum á Ísafirði skömmu fyrr en lenti í vandræðum sem leiddu til þess að nauðlenda þurfti vélinni.

Samkvæmt upplýsingum frá lögreglunni á Vestfjörðum barst tilkynning þangað rétt fyrir tólf.

Hafði varðstjóri orð á því að mikil heppni væri að ekki hefði verr farið. Hvorugur mannanna slasaðist.

Til að ferðast á milli Súðavíkur og Ísafjarðar þarf að keyra veginn um Súðavíkurhlíð.