Hárið sem stjörnurnar elska

Ritstjórn skrifar 5. ágúst 2015 13:15

Hálf uppsettur hnútur, Half bun eða „hun“ er vinsælasta hárgreiðsla stjarnanna í dag. Þykir greiðslan, sem er sérstaklega einföld, vera upplögð til þess að fela hálf skítugt hár.

Stjörnur á borð við Miley Cyrus, Khloé Kardashian, Hilary Duff og Margot Robbie hafa sést rokka hálf uppsettan hnút undanfarið.

Er efri hluti hársins tekinn upp í tagl sem snúið er upp á. Taglinu er svo komið fyrir í litlum snúð á hvirflinum og hann festur með spennu eða teygju.

Einfalt, fljótlegt og nokkuð töff hártrend sem auðvelt er að leika eftir.