Arda Turan: Umboðsmaðurinn í viðræðum við 3-4 félög

Arda Turan, leikmaður Atletico Madrid, segir að umboðsmaður sinn sé í viðræðum við nokkur félög.

Arda, sem er 28 ára, hefur leikið með Atletico Madrid síðan 2011 en svo virðist sem hann sé á förum frá félaginu. Enska úrvalsdeildin hefur verið nefnd sem mögulegur áfangastaður Tyrkjans.

„Umboðsmaðurinn minn er í viðræðum við 3-4 félög. Ég læt ykkur vita þegar félagaskipti ganga í gegn,“ sagði Arda á Twitter í gær.

Arda, sem er metinn á 25 milljónir punda, er í miklum metum hjá stuðningsmönnum Atletico Madrid en hann var í stóru hlutverki þegar liðið vann Spánarmeistaratitilinn og komst í úrslitaleik Meistaradeildar Evrópu í fyrra.

Nokkrar breytingar hafa orðið á liði Atletico Madrid í sumar. Króatíski framherjinn Mario Mandzukic var seldur til Juventus og Jackson Martínez var fenginn í hans stað frá Porto.

Þá er liðið búið að festa kaup á argentínska framherjanum Luciano Vietto frá Villarreal.

The transfer rumors are not entirely correct. My agent is currently in touch with 3-4 clubs. I will update you all if a deal is made.

— Arda Turan (@ArdaTuran10line) June 28, 2015