Hjálmar og félagar með fimm stiga forskot á toppnum

Hjálmar Jónsson lék allan leikinn í vörn IFK Göteborg sem vann 1-0 sigur á Elfsborg á heimavelli í sænsku úrvalsdeildinni í fótbolta í kvöld. Danski landsliðsmaðurinn Lasse Vibe skoraði eina mark leiksins á lokamínútu fyrri hálfleiks.

Göteborg er á toppi deildarinnar með 29 stig, fimm stigum meira en Malmö, Elfsborg og Norrköping sem raða sér í næstu sæti.

Arnór Ingvi Traustason var í byrjunarliði Norrköping sem gerði 1-1 jafntefli við Djurgården á útivelli.

Birkir Már Sævarsson var ekki í leikmannahópi Hammarby sem gerði 2-2 jafntefli við Kalmar á útivelli.