Ellie Goulding með línu fyrir MAC

Adda Soffia Ingvarsdóttir skrifar 5. júní 2015 11:00

Breska söngkonan Ellie Goulding hefur gert förðunarlínu í samstarfi við MAC. Línan er væntanleg í valdar verslanir í lok þessa árs eða í byrjun þess næsta.

Birti Goulding myndir úr línunni á Instagram síðu sinni í gær, en myndirnar og línan eru undir miklum áhrifum frá áttunda áratugnum og þykir hún minna á leikkouna Farrah Fawchett.

Setti hún einnig inn mynd af línunni sem er í mildum litum í kóral, gylltu og brúnu, inniheldur gloss, varalit, augnskuggapallettu, gerviaugnhár og sólarpúður og kinnalit saman.

Þá er bara að bíða og vona að línan rati hingað á klakann.

Oi oi SO excited to finally share what I've been working on with @MACcosmetics!!! #MACEllieGoulding drops in Dec/Jan!

A photo posted by elliegoulding (@elliegoulding) on Jun 4, 2015 at 7:20am PDT