Ísland fékk tvenn gullverðlaun í golfi

Íslenska kvennalandsliðið í golfi vann liðakeppnina á Smáþjóðaleikunum í dag, en Ísland vann með 33 högga mun. Guðrún Brá Björgvinsdóttir sigraði einstaklingskeppnina.

Ísland endaði á samtals 584 höggum, Mónakó í því öðru á 617, Lúxemborg í því þriðja á 677 höggum og Lichtenstein endaði á botninum með samtals 686 högg.

Guðrún Brá Björgvinsdóttir endaði efst í einstaklingskeppninni, en Mónakó-búinn Sophie Sandolo lenti í öðru. Karen Guðnadóttir var í þriðja og Sunna Víðisdóttir fjórða.

Lokaniðurstöðuna í einstaklingskeppninni má sjá hér að neðan sem og lokastaðan í liðakeppninni.

Lokastaðan í liðakeppninni:

1. Ísland 584 högg

2. Mónakó 617 högg

3. Lúxemborg 677 högg

4. Lichtenstein 686 högg

Lokastaðan í einstaklingskeppninni:

Guðrún Brá Björgvinsdóttr, Ísland 287 högg -1 (69-71-70-77)

Sophie Sandolo, Mónakó 292 högg +4 (73-73-70-76)

Karen Guðnadóttir, Ísland 302 höggg +14 (77-73-75-77)

Sunna Víðisdóttir, Ísland 303 högg +15 (74-78-76-75)

Maria Creus Ribas, Andorra 323 högg +35 (77-88-81-77)

Sophie Halshall, Mónakó 331 högg (80-85-86-80)

Christine Tinner Rampone, Liechtenstein 333 högg (88-83-79-83)