Þrenna Ronaldo dugði skammt

Cristiano Ronaldo skoraði þrennu fyrir Real Madrid þegar Evrópumeistararnir lögðu Espanyol, 4-1, í næstsíðustu umferð spænsku úrvalsdeildarinnar í fótbolta í kvöld.

Fyrir leikinn vissi Real Madrid að það þurfti að vinna og vonast til að Atlético Madrid myndi hirða stig af Barcelona. Það gerðist ekki. Barcelona vann og er meistari.

Ronaldo kom Real yfir, 1-0, í seinni hálfleik áður en Christian Stuani jafnaði fyrir heimamenn, 1-1, á 73. mínútu.

Þá setti Real í fluggírinn. Bakvörðurinn Marcelo kom Real í 2-1 áður en Ronaldo bætti við tveimur mörkum og innsiglaði öruggan sigur Real Madrid. Meistaratitillinn þó úr augnsýn að þessu sinni.