Glamour

Balmain og HM í samstarf

Jourdan Dunn, hönnuðurinn Olivier Rousteign og Kendall Jenner, en fyrirsæturnar skarta fatnaði úr nýju línunni.
Jourdan Dunn, hönnuðurinn Olivier Rousteign og Kendall Jenner, en fyrirsæturnar skarta fatnaði úr nýju línunni. Glamour/Getty
Sænski verslanarisinn Hennes&Mauritz tilkynnti í nótt næsta gestasamstarf sitt en það er ekkert annað en franska tískuhúsið Balmain með hönnuðurin Olivier Rousteing í farabroddi. 

Sænska verslanakeðjan notaði tækifærið og svipti hulunni af samstarfinu á Billboard verðlaununum, sem fóru fram í Las Vegas í nótt, en þar gekk Rousteing rauða dregilinn ásamt fyrirsætunum Jourdan Dunn og Kendall Jenner, en báðar voru þær í fatnaði úr línunni. 

"Þetta samstarf virkar mjög vel fyrir mig og er mér náttúrulegt: H&M er merki sem allir tengja við. Þetta snýst um samstöðu og ég er mjög mikið fyrir það," segir Rousteing í fréttatilkynningu. 

HMXBALMAIN-línan er væntanleg í vel valdar verslanir út um allan heim þann 5.nóvember næstkomandi en þetta sýnishorn sem sást á rauða dreglinum í nótt féll vel í kramið á tískuspekúlöntum. 

Auglýsingamyndin fyrir nýju línuna hjá HM sem kemur í vel valdar verslanir 5.nóvember.Mynd/HM
 
The #HMBALMAINATION selfie game is strong!

A photo posted by H&M (@hm) on May 17, 2015 at 9:47pm PDT



×

Mest lesið