Glódís Perla hélt hreinu í Íslendingaslag

Glódís Perla Viggósdóttir spilaði allan leikinn í sigri Eskilstuna United á Kristianstad í sænsku úrvalsdeildinni í knattspyrnu í dag. Lokatölur 2-0.

Staðan var markalaus í hálfleik, en í síðari hálfleik komu tvö mörk. Malin Diaz kom Eskilstuna yfir á 62. mínútu og sjö mínútum síðar bætti Petra Larsson við marki.

Lokatölur urðu 2-0 og Eskilstuna með fullt hús stiga eftir leikina fjóra sem búnir eru. Kristianstad með sex stig eftir fjóra leiki.

Systurnar Elísa og Margrét Lára Viðarsdætur voru í byrjunarliði  Kristianstad ásamt Ásgerði Stefaníu Baldursdóttur. Þær spiluðu allar allan leikinn, en Elísabet Gunnarsdóttir þjálfar Kristanstad.