Of feitur til að þjálfa Sampdoria

Forseti ítalska fótboltaliðsins Sampdoria er ekkert að skafa af hlutunum.  

Knattspyrnustjóri Sampdoria, Sinisa Mihajlovic, er sagður hætta störfum hjá ítalska liðinu þegar leiktíðinni lýkur.  

Rafa Benitez, núverandi stjóri Napoli, hefur verið nefndur sem eftirmaður hans ákveði Mihajlovic að hætta.  Ef eitthvað er að marka forseta félagsins er ljóst að Rafa karlinn þarf að vera duglegur í ræktinni næstu vikurnar.  

Massimo Ferrero, forseti Samdoria, segir að Benitez þurfi að grenna sig, hann sé alltof feitur.  

Benitez sem stýrði Liverpool til sigurs í meistaradeildinni 2005 og var um tíma stjóri Chelsea hefur undanfarnar vikur verið orðaður sem eftirmaður Manuels Pellegrini hjá Manchester City.  

City hefur ekkert tjáð sig um holdafar Benitez.