Enginn hefur hlaupið Laugaveginn jafnhratt

Elísabet Margeirsdóttir hitti á Þorberg Inga Jónsson sem æfir þessa dagana fyrir heimsmeistaramótið í utanvegahlaupum IAU World Trail Championship sem verður haldið 30. maí næstkomandi í Annecy í Frakklandi. Hlaupið er 85 kílómetra langt og samanlögð hækkun 5200 metrar. Þetta verður í fyrsta sinn sem Ísland sendir lið í þessa keppni en hann fer út ásamt langhlaupurunum Guðna Páli Pálssyni og Örvari Steingrímssyni. Þorbergur er mörgum kunnur fyrir afrek á hlaupabrautinni en enginn hefur hlaupið Laugavegshlaupið jafn hratt og hann. Við fylgdumst með einni langri æfingu hjá honum þar sem hann hljóp meðal annars upp og niður Hlíðarfjall.

Hér má fylgjast með liðinu á Facebook

Í innslaginu hittir hún einnig  Brynju Hafsteinsdóttur, formann Skíðafélags Siglufjarðar en hún fræddi okkur aðeins um fjallaskíðamótið Super Troll Ski Race haldið í annað sinn á Tröllaskaga þann 2.maí. Það borgar sig að vera vel búinn og fékk Elísabet Stefán Geir Andrésson fjallaskíðakappa til að fara yfir nauðsynlegan búnað.

Elísabet kíkti á fyrsta fjallahjólakeppni ársins eða svokölluðu ENDURO keppni. Það var keppt í áföngum á 16 km leið frá Helgafelli og að Vífilsstaðarvatni, mest niður í mót og reyndi gríðarlega á tækni á sumum köflum. Rúnar Theodórsson sigraði karlaflokkinn og María Ögn Guðmundsdóttir kvennaflokkinn.