Birkir Már og félagar fara vel af stað

Birkir Már Sævarsson lék allan leikinn fyrir Hammarby sem vann 2-1 sigur á Åtvidabergs í eina leik dagsins í sænsku úrvalsdeildinni í fótbolta.

Linus Hallenius og Nahir Besara skoruðu mörk Hammarby með þriggja mínútna millibili í fyrri hálfleik. John Owoeri minnkaði muninn á 52. mínútu en nær komust gestirnir ekki.

Hammarby, sem er nýliði í deildinni, hefur farið vel af stað og situr í 3. sæti með 10 stig eftir fimm leiki.

Birkir hefur leikið alla fimm leiki Hammarby í deildinni frá upphafi til enda.