Tré eftir dauðann

Útfarir og stórar og miklar kistur geta bæði verið dýrar í peningum og fyrir umhverfið.

Nú eru komnar ýmsar lausnir fyrir einstaklinga sem er umhugða um umhverfi sitt og vilja leggja sitt af mörkum til umhverfisins að andláti loknu.

Bio Urn er eitt slíkt fyrirtæki þar sem duftkerið líkist einna helst einnota kaffimáli en það inniheldur fræ sem breytist í tré. Þú getur einnig valið um nokkrar tegundir fræja. Þetta hentar bæði fyrir fólk og dýr en rétt er að taka fram að hér er aska notuð svo þetta hentar fyrir þá sem vilja láta brenna sig.

Poetree er annað slíkt fyrirbæri þar sem tré vex með ösku viðkomandi að loknu andláti einstaklings.

Ef þér hugnast ekki að láta brenna þig þá gæti Ecopod hentað þér en það er líkkista sem brotnar niður í umhverfinu og þannig verður líkami þinn að næringu fyrir jarðveginn.