Bitinn illa í nefið af hundi

Ítalskur landsliðsmaður í rúgbý spilar ekki á næstunni eftir að hafa meiðst á sérstakan hátt.

Martin Castrogiovanni, landsliðsmaður Ítala, var nefnilega bitinn í nefið af hundi sem vinur hans á. Þetta var ekkert smá nart hjá hundinum heldur alvöru bit.

Castrogiovanni þurfti að fara á spítala þar sem saumuð voru 14 spor í nef hans. Hann lætur líklega eiga sig að leika aftur við þennan hund.

Ítalir eru neðstir í sex þjóða-mótinu í rúgbý og verða án Castrogiovanni í leiknum gegn Skotum um næstu helgi.