Notendur Windows fá fría uppfærslu

Tæknirisinn Microsoft kynnti í gær nýjasta stýrikerfi fyrirtækisins, Windows 10. Því fylgja ýmsar breytingar en fyrirtækið heldur áfram þróun sinni í að stilla saman tölvur, síma og spjaldtölvur með sama stýrikerfinu.

Þó segir sérfræðingur BBC að Microsoft, sé að blanda saman því góða úr Windows 7, sem var mjög vel tekið, og því sem þótti takast vel í Windows 8.

Þeir sem þegar nota Windows 7 og 8 og Windows síma fá uppfærsluna frítt, en það tilboð verður einungis í boði í eitt ár eftir útgáfu stýrikerfisins. Það gæti hjálpað fyrirtækinu við dreifingu Windows 10, en Microsoft hefur áður rukkað fyrir uppfærslur.

Windows 10 verður gefið út á almennan markað á seinni helmingi ársins.

Vafrinn Internet Explorer mun ekki fylgja nýja stýrikerfinu, en þess í stað mun Microsoft gefa út vafrann Spartan. Talgervillinn Cortana mun nú fylgja stýrikerfinu í tölvur, en hingað til hefur hún einungis verið í snjallsímum Microsoft.

Kynningarmyndbönd Microsoft má sjá hér að neðan.