Ginola býður sig fram gegn Blatter

Um tíma leit út fyrir að enginn ætlaði gegn Sepp Blatter í forsetaframboði FIFA. Nú vilja allir vera með.

Áður höfðu Jerome Champagne og Prins Ali bin al Hussein tilkynnt um framboð sitt og í dag mun Frakkinn David Ginola tilkynna um sitt framboð.

Framboð Ginola kemur gríðarlega á óvart enda ekki verið í fremstu víglínu hjá knattspyrnuhreyfingunni síðustu ár. Hann vill aftur á móti færa fólkinu aftur knattspyrnuna frá þeim sem öllu hafa stýrt í langan tíma.

Ginola var frábær knattspyrnumaður á sínum tíma og fór til að mynda á kostum í enska boltanum með Newcastle og Tottenham.