Marussia bjargað á elleftu stundu?

Tekist hefur að blása lífi í vonarglæður yfirmanna Marussia liðsins um að það takist að bjarga liðini. Hætt hefur verið við loka uppboð á eignum liðsins.

Þrátt fyrir að liðið hafi verið lýst gjaldþrota í október hafa stjórnendur þess, Graeme Lowdon og John Booth ekki gefið upp vonina. Þeir hafa unnið hörðum höndum að því að finna styrktaraðila sem geta gert liðinu kleift að snúa aftur til keppni.

Árangur þessara umleitana þeirra hafa nú hugsanlega loks borið árangur. Hópur fjárfesta sýndi nægja elju til að hætt hefur verið við uppboð sem fara átti fram á miðvikudaginn. Slíkt kemur fram í stuttri yfirlýsingu frá slitastjórn þrotabús liðsins.

Stóð til að selja á uppboðinu bíla síðasta árs, varahluti og annan búnað liðsins. Ef uppboðið hefði farið fram hefði verið ansi erfitt að púsla liðinu saman aftur, sérstaklega ef búnaður þess hefði dreifst til margra eigenda.

Það er nú þegar orðið of seint að hefja þróun bíls fyrir komandi tímabil. Liðið myndi þá vera uppá það komið að FIA og önnur lið samþykktu að það notaði bíl síðasta árs.

Þar að auki hafa margir fyrrum starfsmenn Marussia fundið önnur störf og því þyrfti liðið að leggjast í miklar mannaráðningar til að vera í keppnisformi.

Helsta ástæða fyrir áhuga fjárfesta á að kaupa hið gríðarlega skuldsetta lið er sú að ef liðið tekur þátt í ár á það rétt á greiðslu allt 35 milljónum punda á næstu tímabilum (tæplega 7 milljörðum króna). Það er því aldrei að vita, kannski rís Marussia úr öskunni og verður með eftir 54 daga í Ástralíu.