Actavis kaupir Silom Medical í Taílandi

Samheitalyfjafyrirtækið Actavis hefur fest kaup á tælenska lyfjafyrirtækinu Silom Medical með peningagreiðslu upp á 100 milljónir Bandaríkjadala, eða sem svarar 11,3 milljörðum króna.

Silom Medical er eitt af helstu samheitalyfjafyrirtækjum Taílands, að þvi er fram kemur í tilkynningu Actavis og sér yfir 4.400 sjúkrastofnunum og lyfsölum í landinu fyrir yfir 25 lyfjum í margvíslegu formi.

Með kaupunum er Actavis þegar á meðal fimm helstu samheitalyfjaframleiðenda Taílands og leiðandi í framleiðslu augnlyfja og lyfja vegna öndunarsjúkdóma.

Haft er eftir Business Monitor International að lyfjageirinn í Taílandi velti um 4,3 milljörðum dala (484 milljarðar króna) og sé vaxandi.

„Búist er við að lyfsala í landinu aukist að jafnaði um sem nemur átta prósentum á ári og verði komin í um það bil níu milljarða dala [ yfir 1.000 milljarða króna] árið 2022.