Óskar Bjarni orðinn aðalþjálfari Vals

Það er orðið ljóst að Ólafur Stefánsson mun ekki taka aftur við liði Vals eftir áramót eins og til stóð.

Þetta staðfestir Jón Kristjánsson við mbl.is í dag. Jón hefur verið aðalþjálfari liðsins síðan Ólafur steig til hliðar þar sem hann er upptekinn við önnur verkefni.

Óskar Bjarni Óskarsson hefur verið Jóni innan handar en þeir skipta nú á hlutverkum. Óskar Bjarni verður aðalþjálfari en Jón stígur til hliðar og verður honum innan handar.

Heimir Ríkarðsson mun einnig stíga inn í þjálfarateymið eftir áramót.