Hálka og éljagangur víða á landinu

Hálka og éljagangur er á Hellisheiði, Sandsskeiði, Þrengslum, Reykjanesbraut og á Reykjanesi. Þá er hálka í uppsveitum Suðurlands en snjóþekja og snjókoma á flestum öðrum leiðum. Þetta kemur fram í tilkynningu Vegagerðarinnar.

Snjóþekja og snjókoma er á Holtavörðuheið, Bröttubrekku og Svínadal og á flestum leiðum á Vesturlandi, að því er segir í tilkynningunni. Snjóþekja og éljagangur er á Vatnaleið og á flestum leiðum á Snæfellsnesi en ófært er á Fróðárheiði.

Vegagerðin segir einnig þæfingsfærð og skafrenningur vera á Hálfdán, Mikladal og Kleifarheiði. Hálka eða snjóþekja á örum leiðum á Vestfjörðum og snjóþekja og snjókoma á Þröskuldum. Svipaða sögu er að segja af Norðurlandi þar sem er hálka eða snjóþekja og hálka og éljagangur er á Vatnskarði og Öxnadalsheiði.

Ófært er á Breiðdalsheiði og Öxi en hálka og snjóþekja er á Austurlandi og með suðausturströndinni.

Í tilkynningunni kemur einnig fram að vegna óvenju mikils jarðsig á Siglufjarðarvegi eru vegfarendur beðnir að gæta ýtrustu varúðar.