Pétur Jóhann getur ekki ákveðið sig með hverjum hann heldur í kvöld

Pétur Jóhann Sigfússon, grínisti og handboltaáhugamaður, hvetur alla til að mæta í kvöld þegar Valsmenn taka á móti Haukum í Olís-deild karla í handbolta.

„Ég ætlaði bara að minna ykkur á leikinn í kvöld, Haukar-Valur. Þetta verður eitthvað," segir Pétur Jóhann Sigfússon í myndbandinu og öskrar síðan bæði "Áfram Haukar" og "Áfram Valur".

Pétur Jóhann er samt vel merktur Val í myndbandinu sem birtist inn á fésbókarsíðu Valsmanna í dag og má einnig finna hér fyrir neðan.  

Valsmenn eru á toppnum í Olís-deild karla með 22 stig eða tveimur stigum meira en Afturelding sem er í 2. sætinu. Haukarnir eru í 7. sæti með 12 stig. 

Leikur liðanna í kvöld er hluti af fimmtándu umferð Olís-deildarinnar og hefst leikurinn klukkan 19.30 í Vodafone-höllinni.

Innlegg frá Valur Handbolti.