Moyes hrósað fyrir góðar æfingar

David Moyes stýrir liði Real Sociedad í fyrsta skipti á laugardagskvöld. Þá sækir liðið Deportivo la Coruna heim en leikurinn verður í beinni á Stöð 2 Sport.

Varnarmaður liðsins, Inigo Martinez, segir að það hafi komið mikill kraftur með Moyes sem hafi gjörbreytt æfingum liðsins.

„Það kemur gríðarlegur kraftur með honum. Hann heldur mönnum á tánum og fylgist vel með öllu. Hann pressar menn út í eitt og það kveikir í mönnum," sagði Inigo.

Það hefur hvorki gengið né rekið hjá Sociedad í vetur og þess vegna var þjálfarinn rekinn og Moyes ráðinn í staðinn. Hans bíður verðugt verkefni.