Vandræði hjá Samsung

Flaggskip farsímadeildar Samsung, Galaxy S5, hefur selst í 12 milljónum eintaka á fyrstu þremur mánuðunum á markaði. Það er um fjórum milljónum færri eintök en seldust af S4 á sama tímabili og um 40 prósent minna en spár Samsung sögðu til um.

Salan er rúmlega fimmtíu prósentum lægri í Kína, en hún var á S4 en salan hefur þó aukist í Bandaríkjunum. Forsvarsmenn Samsung höfðu svo mikla trú á símanum að þeir juku framleiðslu hans um 20 prósent samkvæmt Endagadget.

Wall Street Journal hefur heimildir fyrir því að Samsung hugi nú að breytingum í yfirstjórn farsímadeildar fyrirtækisins vegna vandræðanna. S5 símar eru sagðir hrannast upp í vöruskemmum Samsung.