Skonto-völlurinn opinn út á bílastæði

Ísland mætir Lettlandi á Skonto-leikvanginum í Riga í kvöld. Þó svo að hann beri það ekki með sér þá var hann reistur fyrir aðeins fjórtán árum síðan.

Eins og sést á meðfylgjandi mynd sem var tekin á æfingu íslenska landsliðsins á vikunni er leikvangurinn opinn í annan endann og blasir þar bílastæði við.

Aðeins einu sinni hefur verið uppselt á leik á Skonto-leikvanginum en það var þegar Lettland mætti Tyrklandi í umspili um sæti á EM 2004. Lettar höfðu betur og komust óvænt í úrslitakeppnina í Portúgal.

Leikvangurinn er aðeins steinsnar frá miðbæ Riga en öllu jöfnu spilar samnefnt félag, Skonto FC, leiki sína á vellinum.