Eiður Smári skoraði á Gumma Ben og Lagerbäck í ísfötuáskoruninni

Knattspyrnumaðurinn Eiður Smári Guðjohnsen er búinn að taka þátt í ísfötuáskoruninni sem fer nú sigurför um heiminn og frægasti knattspyrnmaður Íslands fyrr og síðar var klár í að kæla sig niður fyrir gott málefni.

Í umræddri ísfötuáskorun baða menn sig með ísvatni úr fötu og styrkja um leið gott málefni sem eru MND rannsóknir. Auðunn Blöndal, vinur Eiðs Smára, aðstoðaði félaga sinn við að koma myndbandinu á netið þar sem að Eiður Smári er hvorki með Twitter né Facebook.

„Þar sem að tölvuséníið Eiður Smàri Guðjohnsen er hvorki með Twitter né Facebook bað hann mig að koma þessu à framfæri!! @togga65 @gben11 MND félagið à Íslandi 515-05-410900 kt: 630293-3089," segir með myndbandinu á Instagram-síðu Auðuns Blöndal.

Eiður Smári helti þá yfir sig úr fötu með ísköldu vatni og skoraði í framhaldinu á þau Þorgerði Katrínu Gunnarsdóttur, Gumma Ben og landsliðsþjálfarann Lars Lagerbäck. Hér fyrir neðan er þetta skemmtilega myndband.