Vegleg verðlaun í RB Classic götuhjólakeppni

RB Classic götuhjólakeppnin fer fram næstkomandi sunnudag, 17. ágúst klukkan 9. Hjólað verður umhverfis Þingvallavatn en leiðin liggur um ægifagra náttúru Þingvalla og nágrennis. Keppt verður í tveimur vegalengdum,  127 kílómetrar, sem eru tveir hringir í kringum vatnið og svo 65 kílómetrar sem er einn hringur. Veitt verða vegleg peningaverðlaun fyrir 5 efstu sætin í 127 km flokki en sjaldgæft er að það sé gert í hjólreiðamótum á Íslandi.  Peningaverðlaunin eru eftirfarandi:

                                                   

Sæti       Karlar                    Konur

1.            50.000 kr.             50.000 kr.

2.            25.000 kr.             25.000 kr.

3.            15.000 kr.             15.000 kr.

4.            10.000 kr.             10.000 kr.

5.            5.000 kr.               5.000 kr.

Auk þess eru verðlaunapeningar fyrir efstu þrjú sætin í öllum flokkum, karla og kvenna.

Einnig verður útdráttarkeppni eða happdrætti þar sem vinningarnir eru glæsilegir:

- Kria Cycles mun gefa tvö glæsileg hjól  í útdráttarkeppni sem fram fer á meðan á verðlaunaathöfn stendur yfir. Annars vegar er um Specialized Allez Sport götuhjól að ræða og hins vegar eldrautt HotWalk jafnvægishjól fyrir káta krakka.

- Gló restaurant gefur vegleg gjafabréf í útdráttarkeppnina.

- Hamborgarafabrikkan gefur  gjafabréf að hætti hússins.

Svo verður Kristall í boði fyrir alla þátttakendur auk þess sem Hreysti sér um vatnsstöðvar.