Tiger hlýtur virt útflutningsverðlaun

Dómnefnd fyrir Verðlaun Frederik IX Danakonungs hefur sæmt Zebra A/S, eiganda verslunarkeðjunnar Tiger, heiðursverðlaunum fyrir framúrskarandi árangur á dönskum útflutningi.

Tiger er í dag í yfir 20 löndum og opnar í hverri viku 2-3 nýjar búðir. Við val nefndarinnar á Tiger, tók nefndin til greina að vörur Tiger eru ekki einungis vinsælar vegna þess að þær eru hagnýtar og skemmtilegar en einnig vegna danskrar ímyndar þeirra, sem viðskiptavinir um heim allan tengja við danska hönnun, arkitektúr, sögu og dönsk gildi.

Verðlaunin voru afhent af Hans hátign, Henrik prins, eiginmanni Margrétar Danadrottningar, sem einnig er formaður nefndarinnar og Útflutningsráð Danmerkur hafði yfirumsjón með verðlaununum. Danska verslunarráðið tilnefndi Zebra til verðlaunanna.

„Okkur er mikill heiður að taka við heiðursverðlaunum Friðriks IX og erum afar stolt. Þetta eru verðlaun sem munu án efa hjálpa okkur að opna dyr að nýjum mörkuðum," segir Christian Mariager, forstjóri Zebra, þegar hann tók við verðlaununum.

„Með 66 verslanir í Danmörku er Tiger orðinn eðlilegur hluti af daglegu lífi Dana og bæjarmynd borga og bæja. Ég túlka ákvörðun dómnefndarinnar sem staðfestingu á því að okkur hefur ekki bara tekist að selja hönnunarvörur til Dana - við breiðum líka út stóran mikilvægan hluta af danskri menningu um allan heim. Þannig vinnum við dýrmæta vinnu í að vekja athygli á Danmörku og danskri hönnun,“ segir Mariager.