Daníel genginn í raðir FH

Daníel Matthíasson skrifaði um helgina undir 3 ára samning við handknattleiksdeild FH.

Daníel hefur verið leikmaður yngri landsliða Íslands undanfarin ár og því fengur fyrir FH að fá hann í félagið.

Halldór Jóhann Sigfússon þjálfari FH þekkir vel til Daníels og lagði áherslu á að fá hann til félagsins.

„Ég er mjög glaður að Daníel valdi FH frekar en önnur úrvalsdeildarlið sem vildu fá hann. Hann mun falla vel inn í okkar unga og hungraða leikmannahóp, hann er mjög efnilegur línumaður sem við bindum vonir við að blómstri hjá FH á næstu árum.“

„Daníel er mjög metnaðarfullur strákur og gríðarlega duglegur á vellinum og fellur vel inn í þær hugmyndir FH að byggja liðið upp á ungum og efnilegum leikmönnum á næstu árum,“ sagði Halldór Jóhann Sigfússon, þjálfari FH, eftir undirskrift.