BlackBerry í landvinninga með ódýran farsíma

BlackBerry hefur orðið undir á síðustu árum í sölu farsíma og hafa Apple, Samsung, Lonovo og fleiri farsímaframleiðendur nær ýtt BlackBerry út af markaðnum.

Nú hyggst BlackBerry ná einhverju af þessum markaði til baka með nýjum og ódýrum síma með snertiskjá. Hann mun kosta undir 200 dollurum, eða ríflega 20 þúsund krónur. Framleiðsla símans fer fram í Taiwan hjá stórfyrirtækinu Foxconn Technology Group, sem einnig framleiðir iPhone og iPad fyrir Apple.

Helsti markaðurinn sem BlackBerry horfir til er í Indónesíu, en þar var BlackBerry með ógnargóða stöðu, eða um 40% markaðarins fyrir 10 árum síðan, en aðeins 4% nú. Nýi síminn heitir Z3 og mun hann koma á markað 15. Maí, eða á morgun. Eftir kynninguna í Indónesíu eru Filippseyjar, Indland, Vietnam og Malasía næstu lönd þar sem hann verður kynntur. BlackBerry horfir því sterklega til SA-Asíu, sem fyrr.

BlackBerry á von á að þessi nýi sími muni seljast í milljónavís og ef svo verði ekki, sé eitthvað annað að en símanum sjálfum og þá er fyrirtækið að vísa til ímyndar BlackBerry. BlackBerry símafyrirtækið er Kanadískt og höfuðstöðvar þess eru í Ontario-fylki.

Fyrir 10 árum seldi BlackBerry um 600.000 síma eingöngu í Indónesíu á hverjum ársfjórðungi, en á fyrsta ársfjórðungi þessa árs voru þeir aðeins 100.000. Samsung er nú langstærsti söluaðili farsíma í þessum heimshluta.