Er markaðsvirði Tesla raunhæft?

Hækkun bréfa rafbílaframleiðandans Tesla í vikunni verða að teljast einir bestu dagar Elon Musk, stærsta eiganda Tesla og forstjóra fyrirtækisins. Bréf Tesla hækkuðu úr 218 dollurum á hlut í 259 dollara.

Þessi hækkun hefur orðið til 65% hækkunar bréfa Tesla á þessu ári, sem rétt er byrjað og hafa bréfin hækkað um 620% á síðustu 12 mánuðum. Svo mikið er virði Tesla orðið nú á hlutabréfamarkaði að það nemur helmingsvirði bílarisans GM og eign Elon Musk í Tesla er nú meira virði en þjóðarframleiðsla Nicaragua.

Þetta háa verð á bréfum Tesla byggir á því að fyrirtækið tífaldi sölu sína á bílum frá 2013 til 2016, þrítugfaldi söluna árið 2020 og sextugfaldi hana árið 2028. Það þýðir 1,2 milljón bíla sölu það ár. Margir efa að slíkt sé raunhæft. Enn er búist við hækkun á virði bréfa í Tesla og má því búast við að virði þeirra verði 10 til 20 sinnum meira en velta fyrirtækisins á næstu árum.

Því þarf Tesla að hagnast vel á sölu bíla sinna til að réttlæta þetta háa verð á hlutbréfum félagsins. Gjörðir Elon Musk hafa hingað til verið eins og töfrabrögð og tíminn einn mun leiða í ljós hvort áframhald verður á þeim. 

Í spilaranum hér fyrir neðan má sjá eitt af síðustu uppátækjum fyrirtækisins. Tveimur Tesla S bílum var keyrt þvert yfir Bandaríkin nú í janúar og notuðust þeir aðeins við net hraðhleðslustöðva sem fyrirtækið hefur komið upp.