Barroso: Farsæl innleiðing Letta undirstrikar traust á evru Þorbjörn Þórðarson skrifar 11. janúar 2014 19:00 Árangursrík innleiðing Lettlands á evrunni er til merkis um að gjaldmiðillinn er ennþá eftirsóknarverður fyrir ESB-ríkin sem ekki hafa tekið hann upp og undirstrikar traust á myntsamstarfinu. Þetta segir forseti framkvæmdastjórnar ESB. Um áramótin varð Lettland átjánda ríkið til að taka upp evruna með þátttöku í Evrópska myntbandalaginu (EMU). Á blaðamannafundi í Riga í Lettlandi í gær fór Valdis Dombrovskis, forsætisráðherra Lettlands, yfir árangurinn af innleiðingu gjaldmiðilsins ásamt leiðtogum Evrópusambandsins, þeim Herman Van Rompuy, forseta leiðtogaráðsins og José Manuel Barroso, forseta framkvæmdastjórnarinnar. „Á fundinum með Van Rompuy og Barroso ræddum við spurningar varðandi inngöngu Lettlands í evrusvæðið. Ég upplýsti þá um gang inngönguferlis Lettlands og að þessi breyting hafi gengið mjög vel og án nokkurra vandamála eða óþæginda fyrir almenning. Evrur í umferð í Lettlandi eru þegar komnar upp fyrir Lat, svo við sjáum að við höldum áfram innleiðingu evrunnar á góðum hraða,“ sagði Valdis Dombrovskis, forsætisráðherra Lettlands. Fagna innleiðingu á afmæli myntsamstarfsins Lettland gekk í evrusvæðið á 15 ára afmæli sameiginlegu myntarinnar en 333 milljónir Evrópubúa nota nú gjaldmiðilinn. Lettland, með tvær milljónir íbúa, varð átjánda ríkið til að ganga í myntsamstarfið. Áratug eftir að Lettar stigu úr skugga grannríkisins Rússlands með aðild að Evrópusambandinu og Atlantshafsbandalaginu, NATÓ. „Aðild Lettlands að evrusamstarfinu er einnig merki um traust á sameiginlegum gjaldmiðli okkar. Fyrir ekki svo löngu spáðu menn andláti evrunnar. Ég sjálfur, og van Rompuy forseti, vorum á mörgum alþjóðlegum ráðstefnum þar sem félagar okkar spurðu um mögulegt hrun evrunnar. Hvað gerðist? Ekki nóg með að evran hrundi ekki heldur bjóðum við í dag nýjan aðila að evrunni velkominn. Getur verið skýrari vitnisburður um, ekki aðeins sveigjanleika, stöðugleika, trúverðugleika og styrk okkar sameiginlega gjaldmiðils, heldur einnig getu þessa gjaldmiðils til að laða að aðildarríki Evrópusambandsins? Ég held að það sé ekki hægt að sýna það betur,“ sagði José Manuel Barroso á fundinum í Riga. „Bazookan“ hans Mario Draghi Vandi evrunnar var áberandi í opinberri umræðu árin eftir fjármálaáfallið vegna vanda skuldsettra ríkja í myntsamstarfinu, eins og Grikklands, Spánar og Portúgal. Eftir afdráttarlausa yfirlýsingu Mario Draghi seðlabankastjóra sumarið 2012 um að Evrópski Seðlabankinn (ECB) myndi gera „hvað sem er“ til að styðja við evruna, sem hefur verið nefnd „bazooka,“ hefur þessi umræða róast og endurspeglast í endurheimtu trausti markaða á myntsamstarfinu. Yfirlýsing Draghis var á þann veg að ECB myndi kaupa eins mikið af ríkisskuldabréfum evruríkja í skuldavanda og þörf krefði. Þannig tók hann í raun pólitískan hita af Angelu Merkel kanslara Þýskalands sem hafði ekki gefið út slíkar yfirlýsingar heimafyrir vegna óánægju þýskra kjósenda með slíkar aðgerðir. Mest lesið Langaði svakalega mikið í sleik við George Clooney Atvinnulíf „Alls konar fólk heyrt í mér um alls konar hluti“ Viðskipti innlent Stöðva þurfi rányrkju bílastæðaeigenda Neytendur Stýrivextir lækkaðir í Bandaríkjunum í fyrsta sinn í fjögur ár Viðskipti erlent Útlit fyrir frekari verðhækkanir á kaffimarkaði Neytendur Atvinnumissir: „Ég kunni nú ekki við að spyrja Jón beint“ Atvinnulíf Nýtt trend: Engir yfirmenn á vinnustaðnum Atvinnulíf Segir engar breytingar hafa verið gerðar á uppskrift SS pylsna Neytendur Fegurð er glæpur kom út í mínus Viðskipti innlent Tupperware lýsir yfir gjaldþroti Viðskipti erlent Fleiri fréttir Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Árangursrík innleiðing Lettlands á evrunni er til merkis um að gjaldmiðillinn er ennþá eftirsóknarverður fyrir ESB-ríkin sem ekki hafa tekið hann upp og undirstrikar traust á myntsamstarfinu. Þetta segir forseti framkvæmdastjórnar ESB. Um áramótin varð Lettland átjánda ríkið til að taka upp evruna með þátttöku í Evrópska myntbandalaginu (EMU). Á blaðamannafundi í Riga í Lettlandi í gær fór Valdis Dombrovskis, forsætisráðherra Lettlands, yfir árangurinn af innleiðingu gjaldmiðilsins ásamt leiðtogum Evrópusambandsins, þeim Herman Van Rompuy, forseta leiðtogaráðsins og José Manuel Barroso, forseta framkvæmdastjórnarinnar. „Á fundinum með Van Rompuy og Barroso ræddum við spurningar varðandi inngöngu Lettlands í evrusvæðið. Ég upplýsti þá um gang inngönguferlis Lettlands og að þessi breyting hafi gengið mjög vel og án nokkurra vandamála eða óþæginda fyrir almenning. Evrur í umferð í Lettlandi eru þegar komnar upp fyrir Lat, svo við sjáum að við höldum áfram innleiðingu evrunnar á góðum hraða,“ sagði Valdis Dombrovskis, forsætisráðherra Lettlands. Fagna innleiðingu á afmæli myntsamstarfsins Lettland gekk í evrusvæðið á 15 ára afmæli sameiginlegu myntarinnar en 333 milljónir Evrópubúa nota nú gjaldmiðilinn. Lettland, með tvær milljónir íbúa, varð átjánda ríkið til að ganga í myntsamstarfið. Áratug eftir að Lettar stigu úr skugga grannríkisins Rússlands með aðild að Evrópusambandinu og Atlantshafsbandalaginu, NATÓ. „Aðild Lettlands að evrusamstarfinu er einnig merki um traust á sameiginlegum gjaldmiðli okkar. Fyrir ekki svo löngu spáðu menn andláti evrunnar. Ég sjálfur, og van Rompuy forseti, vorum á mörgum alþjóðlegum ráðstefnum þar sem félagar okkar spurðu um mögulegt hrun evrunnar. Hvað gerðist? Ekki nóg með að evran hrundi ekki heldur bjóðum við í dag nýjan aðila að evrunni velkominn. Getur verið skýrari vitnisburður um, ekki aðeins sveigjanleika, stöðugleika, trúverðugleika og styrk okkar sameiginlega gjaldmiðils, heldur einnig getu þessa gjaldmiðils til að laða að aðildarríki Evrópusambandsins? Ég held að það sé ekki hægt að sýna það betur,“ sagði José Manuel Barroso á fundinum í Riga. „Bazookan“ hans Mario Draghi Vandi evrunnar var áberandi í opinberri umræðu árin eftir fjármálaáfallið vegna vanda skuldsettra ríkja í myntsamstarfinu, eins og Grikklands, Spánar og Portúgal. Eftir afdráttarlausa yfirlýsingu Mario Draghi seðlabankastjóra sumarið 2012 um að Evrópski Seðlabankinn (ECB) myndi gera „hvað sem er“ til að styðja við evruna, sem hefur verið nefnd „bazooka,“ hefur þessi umræða róast og endurspeglast í endurheimtu trausti markaða á myntsamstarfinu. Yfirlýsing Draghis var á þann veg að ECB myndi kaupa eins mikið af ríkisskuldabréfum evruríkja í skuldavanda og þörf krefði. Þannig tók hann í raun pólitískan hita af Angelu Merkel kanslara Þýskalands sem hafði ekki gefið út slíkar yfirlýsingar heimafyrir vegna óánægju þýskra kjósenda með slíkar aðgerðir.
Mest lesið Langaði svakalega mikið í sleik við George Clooney Atvinnulíf „Alls konar fólk heyrt í mér um alls konar hluti“ Viðskipti innlent Stöðva þurfi rányrkju bílastæðaeigenda Neytendur Stýrivextir lækkaðir í Bandaríkjunum í fyrsta sinn í fjögur ár Viðskipti erlent Útlit fyrir frekari verðhækkanir á kaffimarkaði Neytendur Atvinnumissir: „Ég kunni nú ekki við að spyrja Jón beint“ Atvinnulíf Nýtt trend: Engir yfirmenn á vinnustaðnum Atvinnulíf Segir engar breytingar hafa verið gerðar á uppskrift SS pylsna Neytendur Fegurð er glæpur kom út í mínus Viðskipti innlent Tupperware lýsir yfir gjaldþroti Viðskipti erlent Fleiri fréttir Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira