Stefnulaus stálkarl Haukur Viðar Alfreðsson skrifar 29. júní 2013 10:00 Bíó, Man of Steel Leikstjórn: Zack Snyder Leikarar: Henry Cavill, Amy Adams, Michael Shannon, Kevin Costner, Russell Crowe Það er eins og það hvíli bölvun á Ofurmenninu í kvikmyndum. Fyrir utan Superman frá árinu 1978 hafa allar myndir um þessa ævafornu ofurhetju verið misheppnaðar. Þetta hefur ekkert að gera með persónuna og það ætti ekki að vera erfiðara að gera henni skil á hvíta tjaldinu en öðrum ofurhetjum. Það er bara ekki vandað nægilega til verka. Nú er búið að reyna enn eina ferðina og kom tilraunin í hlut leikstjórans Zack Snyder. Með kvartmilljarð dala í vasanum hefur hann breytt bláklædda brókarlallanum Kal-El í raunsæishetju að hætti Christophers Nolan, framleiðanda og sögusmiðs myndarinnar. Undarleg ákvörðun, en ekkert á að vera heilagt. Fyrri hluti myndarinnar er þolanlegur þó að endurlitin séu ofnotuð eftir að Kal-El fullorðnast. Atriðin á Krypton eru ágæt og þar vil ég helst hrósa Michael Shannon fyrir nokkuð sannfærandi takta. Vandræði myndarinnar hefjast á jörðu niðri. Cavill tekur sig ágætlega út í búningnum en það er ekki eitt augnablik í myndinni þar sem persónan hans er skemmtileg. Það örlar ekki á neista neins staðar, hvorki á móti Lois Lane né illmenninu, og maður spyr sig hvort vandamálið liggi hjá leikaranum eða í handritinu. Í seinni hálfleik fáum við svo stanslausan hasar af leiðinlegu gerðinni. Það hjálpar myndinni auðvitað ekki neitt að koma í kjölfar hressa Marvel-bunkans þar sem þetta er gert svo vel. Eftir 45 mínútur af stefnulausri tölvubrellukássu fór ég að velta því fyrir mér hvort hin bragðdaufa Superman Returns frá 2006 væri ekki hreinlega betri mynd en Man of Steel.Niðurstaða: Gríðarleg vonbrigði. DC þarf að hysja upp um sig. Gagnrýni Mest lesið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið „Það er alveg hægt að vinna rifrildið, en þá tapar sambandið“ Makamál Borðar það sem alltaf hefur verið til og léttist og léttist Lífið „Fimm ár af allskonar og hamingjan er enn hér“ Lífið Aldrei litið betur út þrátt fyrir alvarlegt slys Lífið Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið Einfalt og frísklegt útlit fyrir hlaupið Lífið Best skipulagða geymsla landsins í glæsihúsi við Laugardalinn Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Fleiri fréttir Maður þurfti ekki að vera skyggn Melódrama, morð og hæfilega mikið bótox Sunna Gunnlaugs í skugga karlrembu á djasshátíð Alien Romulus: Ungmenna Alien May December: Seint koma sumir en koma þó Sjá meira
Bíó, Man of Steel Leikstjórn: Zack Snyder Leikarar: Henry Cavill, Amy Adams, Michael Shannon, Kevin Costner, Russell Crowe Það er eins og það hvíli bölvun á Ofurmenninu í kvikmyndum. Fyrir utan Superman frá árinu 1978 hafa allar myndir um þessa ævafornu ofurhetju verið misheppnaðar. Þetta hefur ekkert að gera með persónuna og það ætti ekki að vera erfiðara að gera henni skil á hvíta tjaldinu en öðrum ofurhetjum. Það er bara ekki vandað nægilega til verka. Nú er búið að reyna enn eina ferðina og kom tilraunin í hlut leikstjórans Zack Snyder. Með kvartmilljarð dala í vasanum hefur hann breytt bláklædda brókarlallanum Kal-El í raunsæishetju að hætti Christophers Nolan, framleiðanda og sögusmiðs myndarinnar. Undarleg ákvörðun, en ekkert á að vera heilagt. Fyrri hluti myndarinnar er þolanlegur þó að endurlitin séu ofnotuð eftir að Kal-El fullorðnast. Atriðin á Krypton eru ágæt og þar vil ég helst hrósa Michael Shannon fyrir nokkuð sannfærandi takta. Vandræði myndarinnar hefjast á jörðu niðri. Cavill tekur sig ágætlega út í búningnum en það er ekki eitt augnablik í myndinni þar sem persónan hans er skemmtileg. Það örlar ekki á neista neins staðar, hvorki á móti Lois Lane né illmenninu, og maður spyr sig hvort vandamálið liggi hjá leikaranum eða í handritinu. Í seinni hálfleik fáum við svo stanslausan hasar af leiðinlegu gerðinni. Það hjálpar myndinni auðvitað ekki neitt að koma í kjölfar hressa Marvel-bunkans þar sem þetta er gert svo vel. Eftir 45 mínútur af stefnulausri tölvubrellukássu fór ég að velta því fyrir mér hvort hin bragðdaufa Superman Returns frá 2006 væri ekki hreinlega betri mynd en Man of Steel.Niðurstaða: Gríðarleg vonbrigði. DC þarf að hysja upp um sig.
Gagnrýni Mest lesið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið „Það er alveg hægt að vinna rifrildið, en þá tapar sambandið“ Makamál Borðar það sem alltaf hefur verið til og léttist og léttist Lífið „Fimm ár af allskonar og hamingjan er enn hér“ Lífið Aldrei litið betur út þrátt fyrir alvarlegt slys Lífið Tjáir sig í fyrsta sinn um bróðurmissinn Lífið Ein lausn er að liggja hlið við hlið og fróa sér Lífið Einfalt og frísklegt útlit fyrir hlaupið Lífið Best skipulagða geymsla landsins í glæsihúsi við Laugardalinn Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Fleiri fréttir Maður þurfti ekki að vera skyggn Melódrama, morð og hæfilega mikið bótox Sunna Gunnlaugs í skugga karlrembu á djasshátíð Alien Romulus: Ungmenna Alien May December: Seint koma sumir en koma þó Sjá meira