Ísland telst enn til velferðarríkja

Landsframleiðsla á mann hér á landi, leiðrétt fyrir kaupmætti í hverju landi fyrir sig, var 12 prósent yfir meðaltali landa í Evrópusambandinu á síðastliðnu ári. Þetta kemur fram í nýlega birtum tölum frá hagstofu Evrópusambandsins.

Þetta er mælikvarði sem er oft notaður til þess að meta velferð í löndum. Velferð hér á landi virðist því vera nokkuð viðunandi í samanburði á milli landa.

Landið sem kemur best út úr samanburðinum við önnur lönd er Noregur en þar er landsframleiðsla á mann leiðrétt fyrir kaupmætti 95 prósent yfir meðaltali ríkja Evrópusambandsins. Af Norðurlöndunum er Ísland í neðsta sæti samkvæmt þessum tölum. Svíar koma næst á eftir Noregi með 28 prósent landsframleiðslu á mann, Danir með 25 prósent og Finnar 15 prósent.

Ísland hefur staðið í stað í 12 prósentunum síðan árið 2010 en það árið tók landið 8 prósenta dýfu þar sem að árið 2009 var landsframleiðslan 20 prósent yfir meðaltali landa í Evrópusambandinu og enn hærri árið 2008 eða 23 prósent.