Allir flokkarnir vilja efla landgræðslu Kolbeinn Óttarsson Proppé skrifar 22. apríl 2013 15:45 Þegar stefna flokkanna er borin saman kemur í ljós að þar er víða sami tónn sleginn. Þó ber nokkuð á milli hvað áherslur varðar. Umhverfismál ber ekki hátt í þessari kosningabaráttu og kjósendur þurfa að leggja í nokkra rannsóknarvinnu til að fræðast um stefnu flokkanna í þeim málaflokki. Kjósendur virðast þó hafa meiri áhuga á umhverfismálum en flokkarnir, en í könnun sem Fréttablaðið og Stöð 2 gerðu kom fram að þau væru kjósendum mikilvægari en málefni verðtryggingar og Evrópusambandsins, svo dæmi séu nefnd. Þeir flokkar sem hafa samþykkt sérstaka kosningastefnu, sem finna má á netinu, minnast varla á umhverfismál. Þau er til dæmis ekki að finna í kosningaáherslum Framsóknarflokksins og sé leitarorðið ?umhverfi? notað í kosningaáherslum Sjálfstæðisflokksins finnast aðeins setningar um starfsumhverfi fyrirtækja. Stefna Bjartrar framtíðar í málaflokknum rúmast í sjö orðum: Verndum umhverfið. Verum umhverfisvæn. Græn í gegn. Eflaust eru fáir sem ekki geta skrifað upp á hana, þótt kannski sé vafa undirorpið hvað það þýði að vera græn í gegn. Píratar hafa ekki samþykkt neina stefnu í málaflokknum og umræðuþráður um umhverfismál á þingi þeirra, en það er tæki sem flokkurinn notar til að ræða og samþykkja stefnu sína á netinu, er auður.Landsfundasamþykktir Flokkarnir hafa hins vegar flestir samþykkt sér ítarlega stefnu í umhverfismálum á landsfundum sínum. Þar er að finna útfærða stefnu þeirra í málaflokknum og ýmislegt sem kjósendur geta nýtt sér til að taka ákvörðun í vor, ætli þeir að láta afstöðu til umhverfismála ráða atkvæði sínu. Þegar stefna flokkanna er borin saman kemur í ljós að þar er víða sami tónn sleginn. Þó ber nokkuð á milli hvað áherslur varðar. Vinstrihreyfingin – grænt framboð hefur samþykkt ítarlega stefnu í málaflokknum, enda skilgreinir flokkurinn sig sem umhverfisflokk. Þar er sjálfbær þróun lykilatriðið og segir þar að hún sé ein af grunnstoðum flokksins. „Hún vísar til sameiginlegrar ábyrgðar okkar á því samfélagi sem við búum í og til ábyrgðar okkar gagnvart komandi kynslóðum.“ Samfylkingin segir umhverfisvitund vera forsendu jafnaðarstefnu á 21. öldinni. Flokkurinn leggur mikið upp úr grænu hagkerfi, en ríkisstjórnin hefur meðal annars lagt áherslu á það og Alþingi lét meðal annars vinna viðamikla skýrslu um málið. Með grænu hagkerfi er vísað til „hagkerfis sem leiðir til aukinna lífsgæða um leið og dregið er verulega úr umhverfislegri áhættu og röskun vistkerfa,“ eins og segir í umræddri skýrslu. Framsóknarflokkurinn ítrekar það í stefnu sinni að hann vilji stjórnarskrárákvæði um að auðlindir eigi að vera í eigu þjóðarinnar, en á heimasíðu flokksins segir að það hafi ranglega verið borið upp á hann að svo sé ekki. Þar er rætt um að nýta náttúruauðlindir landsins af varúð og virðingu, en þó verði að nýta þau tækifæri sem til staðar eru, til að mynda með olíuvinnslu á Drekasvæðinu. Sjálfstæðisflokkurinn er eini flokkurinn sem fléttar arðsemi og hagkvæmni inn í umhverfisstefnu sína.Sátt um uppgræðslu Hæpið er að umhverfismál muni vefjast fyrir stjórnmálaflokkunum, þegar til stjórnarmyndunar kemur. Það væri þó líklega helst í virkjanamálum, en það er nokkuð athyglisvert hve lítið flokkarnir ræða um þau mál. Björt framtíð er þó býsna skýrmælt þegar hún segir að frekari uppbygging álvera sé ekki skynsamleg. Flokkarnir munu hins vegar ekki eiga í vandræðum með að ná saman um landgræðslu, en allir leggja þeir mikið upp úr henni, nema Björt framtíð. Landgræðslan virðist því enn vera leiðarstefið í umhverfisvernd á Íslandi, en segja má að á 20. öldinni hafi umhverfismál að langmestu leyti snúist um hana. Í það minnsta er ljóst að umhverfismál eru ekki ofarlega í huga flokkanna nú um stundir.Björt framtíð - Græn í gegnVernda umhverfið. Vera umhverfisvæn. Græn í gegn.Minnka sóun og auka endurvinnslu.Efla umhverfisvænar samgöngur. Framsóknarflokkur - Auka langtímasýninaNýta náttúruauðlindir af varúð með sjálfbærni að leiðarljósi.Gera Ísland sem mest óháð innflutningi orkugjafa, til dæmis með olíuvinnslu á Drekasvæðinu.Þróa betur endurnýjanlega orkugjafa.Efla landgræðslu.Auka langtímasýn á sem flestum sviðum og marka stefnu um landnotkun.Setja lög um rétt almennings til heilnæms umhverfis og ómengraðra matvæla.Ísland verði í fararbroddi á alþjóðavísu um hnattræna umhverfisvernd. Sjálfstæðisflokkur - Skynsamleg nýting auðlindaArðbær nýting á auðlindum í takt við umhverfissjónarmið. Nýtingarréttur verði í höndum einkaaðila sem greiði hóflegt og sanngjarnt nýtingagjald.Tryggja aðgang að góðu drykkjarvatni með vatnsvernd.Tryggja gott aðgengi að landi til útivistar.Breyta Rammaáætlun í takt við upphaflegar tillögur sérfræðinga.Nýta einkaframtakið í náttúruvernd en heimila gjaldtöku náttúruperlna.Afnema nýsett náttúruverndarlög.Efla landgræðslu.Samfylking - Efling græna hagkerfisinsFara gætilega í uppbyggingu í vatnsafli og jarðvarma og efla rannsóknir á öðrum orkukostum.Móta framleiðslustefnu í lífrænum landbúnaði.Efla landgræðslu.Fjárfesta í þjóðgörðum og setja stjórnsýslu þeirra undir einn hatt.Efla græna hagkerfið með fjárfestingum ríkisvaldsins og aðgerðum í samvinnu við atvinnulífið.Stórefla opinbert eftirlit með því að lögum um umhverfis- og mengunarmál sé fylgt.Marka stefnu um olíuleit á Drekasvæðinu.Vinstri græn - Sjálfbær þróun lykilatriðiðSjálfbær þróun ein af grunnstefnum flokksins.Vinna markvisst gegn hlýnun lofthjúps jarðar af mannavöldum.Hraða vinnu við friðlýsingar svæða í 2. áfanga Rammaáætlunar.Draga úr neyslu og leggja áherslu á endurvinnslu og endurnýtingu.Efla varnir gegn mengun frá jarðhitavirkjunum.Vinna eftir samningi SÞ um líffræðilega fjölbreytni og evrópska landslagssáttmálanum.Stórauka rannsóknir á umhverfisáhrifum ferðamennsku.Efla landgræðslu. Kosningar 2013 Loftslagsmál Mest lesið Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent „Mér hefur aldrei verið sýnd jafn mikil vanvirðing“ Innlent „Það kemur að því að við lendum í veseni“ Innlent Yfirgefið hreysi víkur fyrir hundrað íbúðum Innlent „Geta verið dauðsföll, þú veist ekkert hvað er í þessu“ Innlent Konan er fundin Innlent „Selir“ skutu óvopnaða borgara í leyniaðgerð í Norður-Kóreu Erlent Hefur sætt umsáturseinelti í 14 ár: „Þetta hefur bara rústað lífi mínu“ Innlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Fleiri fréttir Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Tveir á sjúkrahús eftir harðan árekstur Vegurinn yfir Kjöl gerir ferðalöngum lífið leitt Stefna um mikla og hraða fólksfjölgun „alið á stéttaskiptingu á Íslandi“ Sjá meira
Umhverfismál ber ekki hátt í þessari kosningabaráttu og kjósendur þurfa að leggja í nokkra rannsóknarvinnu til að fræðast um stefnu flokkanna í þeim málaflokki. Kjósendur virðast þó hafa meiri áhuga á umhverfismálum en flokkarnir, en í könnun sem Fréttablaðið og Stöð 2 gerðu kom fram að þau væru kjósendum mikilvægari en málefni verðtryggingar og Evrópusambandsins, svo dæmi séu nefnd. Þeir flokkar sem hafa samþykkt sérstaka kosningastefnu, sem finna má á netinu, minnast varla á umhverfismál. Þau er til dæmis ekki að finna í kosningaáherslum Framsóknarflokksins og sé leitarorðið ?umhverfi? notað í kosningaáherslum Sjálfstæðisflokksins finnast aðeins setningar um starfsumhverfi fyrirtækja. Stefna Bjartrar framtíðar í málaflokknum rúmast í sjö orðum: Verndum umhverfið. Verum umhverfisvæn. Græn í gegn. Eflaust eru fáir sem ekki geta skrifað upp á hana, þótt kannski sé vafa undirorpið hvað það þýði að vera græn í gegn. Píratar hafa ekki samþykkt neina stefnu í málaflokknum og umræðuþráður um umhverfismál á þingi þeirra, en það er tæki sem flokkurinn notar til að ræða og samþykkja stefnu sína á netinu, er auður.Landsfundasamþykktir Flokkarnir hafa hins vegar flestir samþykkt sér ítarlega stefnu í umhverfismálum á landsfundum sínum. Þar er að finna útfærða stefnu þeirra í málaflokknum og ýmislegt sem kjósendur geta nýtt sér til að taka ákvörðun í vor, ætli þeir að láta afstöðu til umhverfismála ráða atkvæði sínu. Þegar stefna flokkanna er borin saman kemur í ljós að þar er víða sami tónn sleginn. Þó ber nokkuð á milli hvað áherslur varðar. Vinstrihreyfingin – grænt framboð hefur samþykkt ítarlega stefnu í málaflokknum, enda skilgreinir flokkurinn sig sem umhverfisflokk. Þar er sjálfbær þróun lykilatriðið og segir þar að hún sé ein af grunnstoðum flokksins. „Hún vísar til sameiginlegrar ábyrgðar okkar á því samfélagi sem við búum í og til ábyrgðar okkar gagnvart komandi kynslóðum.“ Samfylkingin segir umhverfisvitund vera forsendu jafnaðarstefnu á 21. öldinni. Flokkurinn leggur mikið upp úr grænu hagkerfi, en ríkisstjórnin hefur meðal annars lagt áherslu á það og Alþingi lét meðal annars vinna viðamikla skýrslu um málið. Með grænu hagkerfi er vísað til „hagkerfis sem leiðir til aukinna lífsgæða um leið og dregið er verulega úr umhverfislegri áhættu og röskun vistkerfa,“ eins og segir í umræddri skýrslu. Framsóknarflokkurinn ítrekar það í stefnu sinni að hann vilji stjórnarskrárákvæði um að auðlindir eigi að vera í eigu þjóðarinnar, en á heimasíðu flokksins segir að það hafi ranglega verið borið upp á hann að svo sé ekki. Þar er rætt um að nýta náttúruauðlindir landsins af varúð og virðingu, en þó verði að nýta þau tækifæri sem til staðar eru, til að mynda með olíuvinnslu á Drekasvæðinu. Sjálfstæðisflokkurinn er eini flokkurinn sem fléttar arðsemi og hagkvæmni inn í umhverfisstefnu sína.Sátt um uppgræðslu Hæpið er að umhverfismál muni vefjast fyrir stjórnmálaflokkunum, þegar til stjórnarmyndunar kemur. Það væri þó líklega helst í virkjanamálum, en það er nokkuð athyglisvert hve lítið flokkarnir ræða um þau mál. Björt framtíð er þó býsna skýrmælt þegar hún segir að frekari uppbygging álvera sé ekki skynsamleg. Flokkarnir munu hins vegar ekki eiga í vandræðum með að ná saman um landgræðslu, en allir leggja þeir mikið upp úr henni, nema Björt framtíð. Landgræðslan virðist því enn vera leiðarstefið í umhverfisvernd á Íslandi, en segja má að á 20. öldinni hafi umhverfismál að langmestu leyti snúist um hana. Í það minnsta er ljóst að umhverfismál eru ekki ofarlega í huga flokkanna nú um stundir.Björt framtíð - Græn í gegnVernda umhverfið. Vera umhverfisvæn. Græn í gegn.Minnka sóun og auka endurvinnslu.Efla umhverfisvænar samgöngur. Framsóknarflokkur - Auka langtímasýninaNýta náttúruauðlindir af varúð með sjálfbærni að leiðarljósi.Gera Ísland sem mest óháð innflutningi orkugjafa, til dæmis með olíuvinnslu á Drekasvæðinu.Þróa betur endurnýjanlega orkugjafa.Efla landgræðslu.Auka langtímasýn á sem flestum sviðum og marka stefnu um landnotkun.Setja lög um rétt almennings til heilnæms umhverfis og ómengraðra matvæla.Ísland verði í fararbroddi á alþjóðavísu um hnattræna umhverfisvernd. Sjálfstæðisflokkur - Skynsamleg nýting auðlindaArðbær nýting á auðlindum í takt við umhverfissjónarmið. Nýtingarréttur verði í höndum einkaaðila sem greiði hóflegt og sanngjarnt nýtingagjald.Tryggja aðgang að góðu drykkjarvatni með vatnsvernd.Tryggja gott aðgengi að landi til útivistar.Breyta Rammaáætlun í takt við upphaflegar tillögur sérfræðinga.Nýta einkaframtakið í náttúruvernd en heimila gjaldtöku náttúruperlna.Afnema nýsett náttúruverndarlög.Efla landgræðslu.Samfylking - Efling græna hagkerfisinsFara gætilega í uppbyggingu í vatnsafli og jarðvarma og efla rannsóknir á öðrum orkukostum.Móta framleiðslustefnu í lífrænum landbúnaði.Efla landgræðslu.Fjárfesta í þjóðgörðum og setja stjórnsýslu þeirra undir einn hatt.Efla græna hagkerfið með fjárfestingum ríkisvaldsins og aðgerðum í samvinnu við atvinnulífið.Stórefla opinbert eftirlit með því að lögum um umhverfis- og mengunarmál sé fylgt.Marka stefnu um olíuleit á Drekasvæðinu.Vinstri græn - Sjálfbær þróun lykilatriðiðSjálfbær þróun ein af grunnstefnum flokksins.Vinna markvisst gegn hlýnun lofthjúps jarðar af mannavöldum.Hraða vinnu við friðlýsingar svæða í 2. áfanga Rammaáætlunar.Draga úr neyslu og leggja áherslu á endurvinnslu og endurnýtingu.Efla varnir gegn mengun frá jarðhitavirkjunum.Vinna eftir samningi SÞ um líffræðilega fjölbreytni og evrópska landslagssáttmálanum.Stórauka rannsóknir á umhverfisáhrifum ferðamennsku.Efla landgræðslu.
Kosningar 2013 Loftslagsmál Mest lesið Ástand á stúdentagörðum: Ítrekuð innbrot, mat stolið, dýnur í kjallara og hland á gólfi Innlent Lögregla hafi hlaupið á sig á Siglufirði: „Þetta eru einstök prúðmenni“ Innlent „Mér hefur aldrei verið sýnd jafn mikil vanvirðing“ Innlent „Það kemur að því að við lendum í veseni“ Innlent Yfirgefið hreysi víkur fyrir hundrað íbúðum Innlent „Geta verið dauðsföll, þú veist ekkert hvað er í þessu“ Innlent Konan er fundin Innlent „Selir“ skutu óvopnaða borgara í leyniaðgerð í Norður-Kóreu Erlent Hefur sætt umsáturseinelti í 14 ár: „Þetta hefur bara rústað lífi mínu“ Innlent Fólk deili lyfseðlum og „míkródósi“: „Við getum ekki réttlætt þá meðferð“ Innlent Fleiri fréttir Lögregla kölluð til eftir að bremsuvírar voru klipptir á reiðhjólum barna Hleypur 110 kílómetra á dag til að setja heimsmet Fólk deili lyfseðlum og „míkródósi“: „Við getum ekki réttlætt þá meðferð“ Deila lyfseðlum fyrir þyngdarstjórnunarlyf og undankeppni HM hefst Starfsfólk Alcoa vilji setja fyrirtækinu mörk Lögregla hafi hlaupið á sig á Siglufirði: „Þetta eru einstök prúðmenni“ Ætla að rannsaka meint undirboð á kísilmálmi „Mér hefur aldrei verið sýnd jafn mikil vanvirðing“ Hélt eiginkonu og fimm börnum í heljargreipum Breyta Korpuskóla til að anna eftirspurn í Klettaskóla Vegabætur á Vestfjörðum opni tækifæri í vetrarferðamennsku Vilja aðgerðir strax Ástand á stúdentagörðum: Ítrekuð innbrot, mat stolið, dýnur í kjallara og hland á gólfi „Geta verið dauðsföll, þú veist ekkert hvað er í þessu“ Öllum börnum undir sex mánaða boðin forvörn gegn RS veiru Vildu fá að vita hvort ríkisstyrkir hefðu farið í málsóknir gegn orkuframkvæmdum Vara við ólöglegum megrunarlyfjum sem eru í umferð Konan er fundin Sextán ára kveikti í herbergi sínu Þremur sleppt úr haldi og brotaþoli útskrifaður „Það kemur að því að við lendum í veseni“ Ekki hægt að þaga þegar stjórnmálamenn leika sér að því að særa fram tröllin 252,6 milljónir runnið í ríkissjóð úr dánarbúum án lögerfingja á tíu árum Þrjú söfn í eina sæng Yfirgefið hreysi víkur fyrir hundrað íbúðum Líkamsárás á gistiheimili „Ekkert óeðlilegt við það að endurskoða þetta kerfi“ Tveir á sjúkrahús eftir harðan árekstur Vegurinn yfir Kjöl gerir ferðalöngum lífið leitt Stefna um mikla og hraða fólksfjölgun „alið á stéttaskiptingu á Íslandi“ Sjá meira