Guðbjörg mun semja við Turbine Potsdam

Landsliðsmarkvörðurinn Guðbjörg Gunnarsdóttir mun hafa vistaskipti um áramótin en hún hefur komist að samkomulagi við eitt besta lið Evrópu - Turbine Potsdam.

„Ég er búinn að fá tölvupóst þar sem er staðfest að hún mun semja við Potsdam frá og með 1. janúar," segir Arne Utvik, íþróttastjóri Avaldsnes, sem Guðbjörg hefur leikið með.

Guðbjörg hefur verið í viðræðum við félagið upp á síðkastið og sagði í Fréttablaðinu í dag að hún vonaðist eftir því að loka málinu í dag. Það gekk eftir.

Hún verður annar Íslendingurinn til þess spila með þýska stórliðinu en Margrét Lára Viðarsdóttir varð þýskur meistari með félaginu á síðasta ári.