Geir Ólafs kennir jólasveinum að syngja

Fyrir fimm árum gaf Geir Ólafsson út lagið Jólamavurinn á færeysku og vakti það mikla lukku. Síðan þá hafa jólasveinarnir Hurðaskellir og bróðir hans, Gluggagægir verið duglegir við að taka lagið á samkomum, en vandinn er bara sá, að þeir kunna lagið því miður ekkert rosalega vel. 

Hér má sjá þegar að Geir Ólafsson kemur á æfingu þeim bræðrum og gerir þeim hverft við. Hins vegar er Geir eingöngu mættur til þess að kenna þeim hvernig flytja skuli lagið á réttan hátt, enda mikill fagmaður.

Gaman verður að sjá hvernig bræðurnir plumma sig eftir að hafa fengið leiðbeiningar frá Geir. Þá eiga þeir eflaust eftir að syngja lagið nokkrum sinnum fram að jólum á hinum ýmsu mannamótum.