Lagerbäck er kominn upp fyrir Gauja Þórðar

Óskar Ófeigur Jónsson skrifar 13. október 2013 09:00

Guðjón Þórðarson náði mögnuðum árangri með íslenska landsliðið á árunum 1997 til 1999 þegar landsliðið náði í helming stiga í boði í leikjum sínum í undankeppni HM og EM.

Það bjuggust ekki margir við því að einhverjum íslenskum landsliðsþjálfara tækist að ná yfir fimmtíu prósent árangri með íslenska landsliðið í keppni en það hefur nú gerst.

Undir stjórn Svíans Lars Lagerbäck hefur íslenska landsliðið náð í 59 prósent stiga í boði í undankeppni HM 2014 eða 16 af 27.

Lagerbäck verður áfram í efsta sætinu þó svo að leikurinn tapist í Osló á þriðjudaginn kemur.

Besti árangur íslenskra landsliðsþjálfara í keppni

(Hlutfall stiga í húsi í leikjum í undankeppni HM og EM)

Lars Lagerbäck 59,3 prósent

Guðjón Þórðarson 50,0 prósent

Guðni Kjartansson 44,4 prósent

Atli Eðbaldsson 41,0 prósent

Ásgeir Elíasson 34,1 prósent

Fótbolti Íslenski boltinn HM 2014 í Brasilíu

Tengdar fréttir

Kolbeinn bætti met Eiðs Smára um tvö ár og fimm mánuði

Kolbeinn Sigþórsson varð í gær áttundi leikmaðurinn sem nær því að skora tólf mörk fyrir íslenska A-landsliðið en hann skoraði fyrra mark Íslands í 2-0 sigri á Kýpur í leik þjóðanna í undankeppni HM 2014.

12. október 2013 16:00

Tíu ár síðan Ísland vann tvo leiki í röð í undankeppni

Íslenska karlalandsliðið í fótbolta vann í gær sinn annan leik í röð í undankeppni HM 2014 þegar íslensku strákarnir unnu sannfærandi 2-0 sigur á Kýpur á Laugardalsvellinum.

12. október 2013 14:30

766 mínútna bið Gylfa á enda

Gylfi Þór Sigurðsson skoraði seinna mark Íslands í 2-0 sigri á Kýpur á Laugardalsvellinum í gær og innsiglaði með því sigur íslensku strákanna sem eru í öðru sæti riðilsins þegar aðeins ein umferð er eftir. Þetta var fyrsta landsliðsmark Gylfa á Laugardalsvellinum.

12. október 2013 19:30

Ísland með tæknitröll í vörninni - Ragnar sýnir listir sínar

Ragnar Sigurðsson, miðvörður íslenska landsliðsins, átti flottan leik í 2-0 sigri á Kýpur á föstudagskvöldið en íslenska landsliðið hélt þá marki sínu hreinu í fyrsta sinn í sjö leikjum í undankeppni HM 2014.

12. október 2013 23:00

Ísland með sex mörk í seinni hálfleik í síðustu þremur leikjum

Íslenska karlalandsliðið vann í gær 2-0 sigur á Kýpur á Laugardalsvellinum í næstsíðasta leik sínum í riðlakeppni Evrópuhluta undankeppni HM 2014. Bæði mörk íslenska landsliðið komu í seinni hálfleik.

12. október 2013 20:45