Katrín verður með gegn Sviss - sex Stjörnustelpur í landsliðinu

Freyr Alexandersson, nýráðinn þjálfari kvennalandsliðsins, tilkynnti í dag sinn fyrsta hóp en Freyr valdi þá 21 leikmann sem munu taka þátt í fyrsta leik liðsins í undankeppni HM 2015.

Freyr valdi 21 leikmann þar sem að Sif Atladóttir er mjög tæp fyrir þennan leik og því þarf hann stærri hóp til þess að vera öruggur.

Katrín Jónsdóttir er með í hópnum en hún er að leggja skóna á hilluna í haust og flestir bjuggust við að hún hefði spilað sinn síðasta landsleik á EM í Svíþjóð.

Freyr velur tvo nýliða og þeir koma báðir úr Íslandsmeistaraliði Stjörnunnar. Það eru þær Anna Björk Kristjánsdóttir og Ásgerður S. Baldursdóttir. Anna Björk var með á EM en hefur ekki spilað landsleik.

Freyr velur alls sex leikmenn Stjörnunnar í hópinn sinn en Stjarnan vann alla 18 leiki sína í pepsi-deild kvenna í sumar. Tveir Stjörnustelpur koma inn frá EM,  Anna María Baldursdóttir og Ásgerður, en Soffía Arnþrúður Gunnarsdóttir missir aftur á móti sæti sitt í hópnum.

Íslenska liðið mætir Sviss á Laugardalsvelli þann 26. september næstkomandi en úrslitakeppnin fer fram í Kanada sumarið 2015.

Freyr tók við liðinu af Sigurði Ragnari Eyjólfssyni sem hafði þjálfað stelpurnar frá því í ársbyrjun 2007. Þetta er fyrsta verkefni liðsins eftir Evrópumótið í Svíþjóð í sumar þar sem íslenska liðið komst í átta liða úrslitin.



Fyrsti landsliðshópur Freys Alexanderssonar:

Markmenn:

Þóra Björg Helgadóttir, Ldb Malmö

Guðbjörg Gunnarsdóttir, Avaldsnes

Sandra Sigurðardóttir, Stjörnunni

Varnarmenn:

Katrín Jónsdóttir, Umeå

Ólína Guðbjörg Viðarsdóttir, Val

Rakel Hönnudóttir, Breiðabliki

Sif Atladóttir, Kristianstad

Glódís Perla Viggósdóttir, Stjörnunni

Anna María Baldursdóttir, Stjörnunni

Anna Björk Kristjánsdóttir, Stjörnunni

Miðjumenn:

Dóra María Lárusdóttir, Val

Hólmfríður Magnúsdóttir, Avaldsnes

Sara Björk Gunnarsdóttir, Ldb Malmö

Katrín Ómarsdóttir, Liverpool

Hallbera Guðný Gísladóttir, Pitea

Dagný Brynjarsdóttir, Val

Greta Mjöll Samúelsdóttir, Breiðabliki

Ásgerður S. Baldursdóttir, Stjörnunni

Sóknarmenn:

Margrét Lára Viðarsdóttir, Kristianstad

Fanndís Friðriksdóttir, Kolbotn

Harpa Þorsteinsdóttir, Stjörnunni

Leikmenn sem voru með á EM en eru ekki með núna:

Guðný Björk Óðinsdóttir (Meidd)

Elín Metta Jensen, Val

Þórunn Helga Jónsdóttir, Avaldsnes

Elísa Viðarsdóttir, ÍBV    

Soffía Gunnarsdóttir, Stjörnunni