FH-ingar unnu Val og eru með fullt hús á Hafnarfjarðarmótinu

FH-ingar hafa unnið báða leiki sína á Hafnarfjarðarmótinu í handbolta karla en þeir unnu nauman og dramatískan sigur á Val í kvöld, 25-24, með marki á síðustu sekúndunni. Valsmenn og Haukar hafa bæði unnið einn leik og tapað einum. Hafnarfjarðarmótið er orðin árlegur viðburður á undirbúningstímabilinu.

Haukar töpuðu naumlega fyrir Val í gær en unnu 25-20 sigur á norska liðinu Kristiansund í kvöld. Jónatan Magnússon er spilandi þjálfari Kristiansund-liðsins og með liðinu leika að auki tveir íslenskir leikmenn, Gísli Jón Þórisson og Sigurgeir Árni Ægisson.

Valsmenn mæta eins og kunnugt er til leiks undir stjórn Ólafs Stefánssonar sem kvaddi íslenska landsliðið í júní eftir magnaðan feril.

Kristiansund hefur tapað tveimur fyrstu leikjum sínum á Hafnarfjarðarmótinu og er eina liðið sem getur ekki orðið meistari.

FH og Haukar mætast í lokaumferðinni á morgun en mótið fer fram í Strandgötu. FH-ingum nægir jafntefli en Haukar þurfa að vinna leikinn. Valsmenn spilað síðasta leikinn sinn á móti Kristiansund.



Úrslit og markaskorarar á Hafnarfjarðarmótinu í kvöld:

FH - Valur 25-24 (10-10)

Mörk FH: Magnús Óli Magnússon 8, Ásbjörn Friðriksson 6, Benedikt Reynir Kristinsson 3, Halldór Guðjónsson 3, Sigurður Ágústsson 2, Einar Rafn Eiðsson    2, Ísak Rafnsson 1.

Mörk Vals: Guðmundur Helgason 6, Geir Guðmundsson 4, Þorgrímur Ólafsson 3, Orri Freyr Gíslason 2, Elvar Friðriksson 2, Ægir H. Jónsson 2, Bjartur Guðmundsson 1, Finnur Ingi Stefánsson 1, Atli Már Báruson 1, Vignir Stefánsson    1, Sveinn Aron Sveinsson 1.



Haukar - Kristiansund 25-20 (12-9)

Mörk Hauka: Brynjólfur Brynjólfsson 6, Elías Már Halldórsson 6, Matthías Árni Ingimuarsson 3, Einar Pétur Pétursson 3, Þórður Rafn Guðmundsson 2, Sigurbergur Sveinsson 2, Adam Haukur Baumruk 1, Árni Steinn Steinþórsson 1

Þröstur Þráinsson 1.

Mörk Kristiansund: Eirik Engelsen 4, Gísli Jón Þórisson 4, Eivind Berg 2, Per Chrisian Viernes 2, Emil Raknes 2, Tomas Krusnyz 2, Sigurgeir Árni Ægisson 2, Ola Heggem 1, Tobias Iversen 1.

Úrslitin á degi 1:

FH - Kristiansund 22-21 (14-13)

Haukar - Valur 24-25 (11-10)